Korporatıvtik mádenıet – kompanııanyń damý kókjıegi
«Samuryq-Qazyna» kompanııalar tobynyń ókilderi sózustar tulǵalar retinde «Narhoz ýnıversıteti» KeAQ-nyń basshylarǵa, ekonomıkanyń túrli sektorlaryndaǵy bıznes ókilderine arnalǵan K-PRO bilim berý jobasyna qatysty. Bul baǵdarlama joǵary bilim berý, kásiptik oqytý jáne basqarý kýrstary júıesine qosymsha oqytý retinde qurylǵan. Baǵdarlama jas kóshbasshylardyń bilimi men daǵdylaryn jetildirýge baǵyttalǵan.
Tyńdaýshylar arasynda qazaqstandyq iri kompanııalardyń, memlekettik organdardyń, joǵary oqý oryndarynyń, medıtsınalyq holdıngterdiń jáne basqa da uıymdardyń 100-ge jýyq jas kóshbasshylary boı kórsetti.
Tyńdaýshylarǵa «Samuryq-Qazyna» AQ korporatıvtik basqarý departamentiniń dırektory Samal Rashıd pen «Samuryq-Qazyna» Korporatıvtik ýnıversıtetiniń konsaltıng jónindegi basqarýshy dırektory ıÝlııa Shıva «Samuryq-Qazyna» tobynyń korporatıvtik mádenıeti týraly aıtyp berdi.
«Samuryq-Qazyna» qoryn reformalaýdyń keń aýqymdy qarqyny, ashyqtyq pen aıqyndyq qaǵıdattaryn saqtaý aıasynda biz osyndaı áleýmettik bilim berý jobalaryna qosar úlestiń mańyzdylyǵyn túsinemiz. Bul degenińiz, atalǵan qadamdar nátıjesi bizdiń elimizdi básekege qabiletti etedi. Bul tásil ESG Strategııamyzdyń negizinde de jatyr. Búgin biz negizgi álemdik trendterdi qadaǵalaýdyń aýadaı qajettiligi týraly áńgimelestik. Jańa tásilderdi, tıimdilikti arttyrýdyń qoldanbaly quraldaryn engizgen lázim», - dep bólisti Samal Rashıd.
Sarapshylar elimizdiń jetekshi ulttyq kompanııalaryndaǵy bıznes-úderisterdiń tıimdiligine korporatıvtik mádenıettiń áseri týraly áńgimelep, sondaı-aq oǵan HR salasyndaǵy negizgi álemdik trendterdiń qalaı qabysatyny týraly aqparatpen bólisti. Spıkerler Dırektorlar keńesiniń tıimdiligin arttyrý, kásipqoılardyń sanasyndaǵy tujyrymdy aýystyrý, sarapshylardan joǵary tıimdi komandalardy qurýdy úırený, talanttardy tabý jáne damytý týraly naqty keısterdi jetkizdi.
«Kóptegen kompanııalar sátsizdikke ushyrap jatady. Óıtkeni olar mádenıetti tikeleı ózgertýge tyrysady - sóıleý, oqý baǵdarlamalary jáne taǵy basqa talpynystar arqyly. Mádenıet - bul adamdar óz jumystaryn qalaı eńseretininde baıqalady. Adamdar jańa nárse jasaı bastaǵanda nemese jańa jobalardy qolǵa alǵanda mádenıetpen birge ózgeredi. Sebep-saldarlyq baılanys keri baǵytta jumys istemeıdi. Biz korporatıvtik mádenıetti qaıta qurýdyń kelesi tásilin tańdadyq: barlyq protsesterdi strategııalyq maqsattarǵa baǵyttaı otyryp, jumysty uıymdastyrýdy jáne kompanııany basqarýdy ózgertý. Kompanııanyń jańa mádenıeti osy ózgeristerdiń áseri retinde paıda bolýy tıis», - dedi ıÝlııa Shıva qatysýshylarǵa.
Sarapshylar óz sózderiniń mańyzdy tustaryn tabysty álemdik kompanııalardyń - Twitter, Ford, Becton Dickinson medıtsınalyq tehnologııalardy óndirýshi kompanııasyn mysalǵa ala otyryp túsindirdi. Olardyń úzdik tájirıbeleri Qordyń kompanııalar tobynda qabyldanyp, sińisip ketti deýge bolady.
Sondaı-aq, dáriske qulaq asýshylar korporatıvtik mádenıetti zertteý ádistemelerimen, qyzmetkerlerdiń belsendiligin zertteý quraldarymen tanysty. Fokýs-toptar men suhbattardyń osy astarda qalaı qoldanylatynyn, kompanııanyń kelbetin qalaı anyqtaý kerektigin baıyptady.
«Mundaı kezdesýlerdiń mańyzdylyǵyn laıyqty baǵalaý qıyn. Biz búgin menedjerlerge óz kompanııalarynda korporatıvtik mádenıet deńgeıin, qyzmetkerlerdiń belsendiligi men habardarlyǵyn arttyrýǵa kómektesetin kóptegen naqty jaǵdaılardy zerttedik. Óıtkeni ynta deńgeıi tómen qyzmetkerler 21%-ǵa az ónim óndirip, 41%-ǵa jıi jumysta qatelikter jiberedi jáne 48%-ǵa kóp jumysta jazataıym oqıǵalardyń qurbanyna aınalady. Bul týraly ózimiz búgin bilip, bas shaıqadyq», - dep óz áserimen bólisti QR Áıelder kúshteri alıansy tóraǵasynyń orynbasary, QR Іsker áıelder qaýymdastyǵynyń basqarma múshesi Baıan Toıkebaeva.
Іs-shara barynsha paıdaly bolýy úshin sóz tizginin ustaýshylar tájirıbelik tapsyrma uıymdastyrdy. Jas basshylar alǵan bilimderin tájirıbe júzinde qoldanyp, keıin ózderin qyzyqtyrǵan suraqtaryn qoıa aldy. Tyńdaýshylar sarapshylardan túıtkilderdi tarqatýǵa qatysty óz nusqalaryna keri baılanys alýdan tys, júrgizilgen saýalnama jaýaptaryn talqylady.
