Koronavırýstan emdelgen elordalyq naýqastar dárigerlerge alǵys aıtty
Naýqastardyń aıtýynsha, olarǵa aýrýdy jeńýge qamqorlyq, nazar aýdarý men kútim kómektesedi.
«Men 15 shildede óte aýyr jaǵdaıda tústim. Bir apta reanımatsııa bóliminde boldym. Dárigerler meniń jaǵdaıymdy qalypqa keltirý úshin baryn saldy. Endi men erkin tynystaı alamyn. Munyń bári dárigerlerdiń kómeginiń arqasy. Jaqyn arada emdelip shyǵamyn dep úmittenemin», – deıdi 46 jastaǵy Manarbek Kobazıev.
63 jastaǵy Tólebek Jumaqaevtyń em qabyldap jatqanyna alty kún boldy. Zeınetker eń aldymen dárigerlerdiń naýqastarǵa degen qarym-qatynasynyń arqasynda saýyǵyp jatqanyna senimdi.
«Biz dári-dármekterimizdi ýaqytyly alamyz, tamaq jaqsy uıymdastyrylǵan jáne jalpy atmosfera jaqsy. Atmosfera jaqsy bolsa adamı kózqaras, adam organızmi basqasha jumys isteıdi», – deıdi aqsaqal.
Ol qazaqstandyqtardy gıgıena men belgilengen sanıtarııa normalaryn qatań saqtaýǵa shaqyrdy.
«Ózimizden bastap, ózimizge qatal qaraýymyz kerek. Jaqyndarymyz qarapaıym talaptardy saqtaýy úshin olarǵa kóńil bólý qajet. Qoldy jıi jýý, gıgıena óz nátıjesin beredi. Jaı jatpaı, ár jarty saǵat saıyn dene, tynys alý jattyǵýlaryn jasaý kerek. Bul jaqsy áser etedi. Munyń bári óz paıdasyn tıgizedi», – dedi T.Jumaqaev.
