Koronavırýs: Japonııanyń tórt prefektýrasy tótenshe jaǵdaı jarııalady

NUR-SULTAN. QazAqparat - Japonııanyń tórt prefektýrasy koronavırýstyń órshýine baılanysty tótenshe jaǵdaı jarııalaıdy, dep habarlaıdy QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Buǵan deıin Tokıodaǵy tótenshe jaǵdaı rejımi 31 tamyzǵa deıin uzartylǵan bolatyn. Elde ınfektsııa taralý kórsetkishi Olımpıada oıyndary bastalǵan soń kúrt ósti.

Parıjde vaktsınatsııa men sanıtarııalyq ótkizý qujattaryna qarsy demonstratsııaǵa qatysýshylarǵa qarsy kózden jas aǵyzatyn gaz qoldanyldy. Tártip saqshylary jınalǵandarǵa tosqaýyl qoıýǵa tyrysty, ishinara qaqtyǵystar boldy, polıtsııa sherýdiń arty tártipsizdikterge ulasýy múmkin dep qaýiptenip otyr.

Lıvandaǵy meıramhanalar men jaǵajaılar 2 tamyzdan bastap tek vaktsınatsııalanǵan adamdardy qabyldaıdy. Jańa erejeler 16 jastan asqan barlyq azamattarǵa qoldanylady. Sondaı-aq, 2 tamyzdan bastap týrızm salasynyń barlyq qyzmetkerleri jumysqa tek QR-kod kórsetý arqyly shyǵa alady.