Koronavırýs: Japonııada aýyr halde jatqan naýqastar sany rekordtyq kórsetkishke jetti

TOKIO. QazAqparat – Japonııada beısenbi kúngi jaǵdaı boıynsha 2 158 patsıent aýyr halde jatyr, dep habarlaıdy QazAqparat NHK World Japan-ǵa silteme jasap.

Japonııada aýyr halde jatqan koronavırýs naýqastarynyń sany beısenbi kúni rekordtyq kórsetkishke 2 158 adamǵa jetti. Bul seısenbi kúngiden 48 adamǵa kóp.

Tokıonyń qalalyq bıliginiń málimetinshe beısenbi kúni Japonııa astanasynda koronavırýs ınfektsııasyn juqtyrýdyń 3 099 jańa jaǵdaıy anyqtalǵan. Qalada sońǵy 11 kúnde kúndelikti koronavırýs jaǵdaılarynyń tómendeýi baıqalady.

Sońǵy aptada kúnine orta eseppen 3 140 jaǵdaı anyqtaldy, bul aldyńǵy aptamen salystyrǵanda 37.9%-ǵa tómen.

Japonııa astanasynda koronavırýs ınfektsııasynyń resmı rastalǵan jaǵdaılarynyń sany 349 841-ge jetti.

Resmı málimetterge sáıkes, beısenbi kúngi jaǵdaı boıynsha aýyr haldegi naýqastar sany 291 adamǵa jetti, bir kúnde 5 adamǵa artqan.

Tokıoda vırýstan kóz jumǵandardyń jalpy sany – 2 510 adam. Beısenbi kúni 10 adam qaıtys bolǵan.