Koronavırýs pandemııasy keler jyldyń jazynda aıaqtalýy múmkin – sarapshy

NUR-SULTAN. QazAqparat – Medıtsına ǵylymdarynyń doktory, professor, QR UǴA akademıgi, Qazaqstan reprodýktıvti medıtsına qaýymdastyǵynyń prezıdenti Vıacheslav Lokshın tumaýǵa qarsy vaktsınatsııalaýdyń qandaı mańyzy baryn aıtyp berdi, dep habarlaıdy QazAqparat tilshisi.

«Koronavırýs ınfektsııasy – adamnan adamǵa ońaı beriletin óte juqpaly aýrý. Onyń negizgi aldyn alý ádisteri – gıgıena, áleýmettik qashyqtyq jáne maska taǵý jáne halyq kóp jınalatyn oryndarǵa barmaý kerek. Osylaı ǵana qorǵanýǵa bolady. «Búkil adamzat maska taqsa, epıdemııa biter edi», degen epıdemıologtardyń sózi bar. Vırýspen kúrestiń negizgi ádisi – karantın sharalaryn saqtaý. Qazir vaktsınalar jasalyp jatyr. Meniń oıymsha, koronavırýs pandemııasy kelesi jyldyń jazyna qaraı birtindep aıaqtalady», - deıdi V. Lokshın QazAqparat tilshisine bergen suhbatynda.

Sonymen birge, dáriger tumaýǵa qarsy vaktsınatsııanyń ne úshin qajet ekenin, órship jatqan JRVI men tumaý kezinde ımmýnıtetti qorǵaý joldaryn túsindirdi.

«Tumaýǵa qatysty vaktsına bar. Jyl saıyn shtamptar ózgeredi jáne vaktsına vırýstyń boljanǵan túrine sáıkes shyǵarylady. Jyl saıyn álemdegi kóptegen adamdar osyndaı vaktsınany saldyrady.

Ásirese qarttar men júkti áıelderge, dárigerlerge jáne basqa da sanattaǵy adamdarǵa vaktsına saldyrý durys bolar edi. Eger dári-dármek óndirýshisi durys shtampty tańdasa, adamdardyń vırýsty juqtyrmaý nemese aýrýdy jeńil formada ótkizý múmkindigi joǵary bolady. Bul ásirese koronavırýs pandemııasy kezinde óte mańyzdy. Eger tumaýǵa koronavırýs ınfektsııasy qosylsa, ony emdeý áldeqaıda aýyr ótedi. Sondyqtan vaktsınatsııa óte qajet. Turǵyndardyń qyrkúıek-qazan aılarynda ekpe egýi de durys qadam boldy», - deıdi professor.

Dáriger ımmýnıtetti saqtaýǵa kómektesetin sharalar týraly aıtyp berdi.

«Immýnıtetti qorǵaý máselesi de óte mańyzdy. Ol úshin salaýatty ómir saltyn ustanyp, taza aýada serýendep, D vıtamıniniń qalypty mólsherin qabyldaý kerek. D vıtamıniniń az bolýy da ımmýnıtettiń tómendeıtini dáleldendi. Askorbın qyshqyly men myryshty da qabyldaý kerek. ıAǵnı, durys tamaqtaný men qajetti dárýmender ımmýnıtetti saqtaýǵa kómektesedi», - deıdi Vıacheslav Lokshın.