Koronavırýs: KVI-ge qarsy vaktsınatsııa jáne qaıta vaktsınalaý áli de mańyzdy - dáriger

ALMATY. QazAqparat- Almatyda ımmýndyq qabat deńgeıi 60%-dan aspaıdy. Bul týraly Óńirlik kommýnıkatsııalar qyzmetinde ótken brıfıngte qalalyq Sanıtarlyq-epıdemıologııalyq baqylaý departamenti basshysynyń orynbasary Ásel Qalyqova aıtty, dep habarlaıdy QazAqparat tilshisi.

Spıkerdiń sózinshe, Almaty ózge óńirler sııaqty epıdemıologııalyq ahýaldy baǵalaý matrıtsasynyń «jasyl» aımaǵynda tur. Vırýstyń taralýy da edáýir tómendegen.

«Ótken táýlikte KVI-diń 15 jaǵdaıy tirkeldi, biraq bul karantın sharalaryn elemeýge sebep bolmaıdy. Turǵyndardy jabyq bólmelerde maska rejımin saqtaýǵa shaqyramyn, sebebi bul talap mindetti bolyp qala beredi, - dedi Ásel Qalyqova.

Sonymen qatar, ol qaladaǵy syrqattanýshylyq kórsetkishiniń tómendeýi qoldanystaǵy shekteýlerdiń, sonyń ishinde Ashyq jobasy boıynsha shekteýlerdi jeńildetýge múmkindik bergen.

Ásel Qalyqova qala turǵyndary úshin KVI-den vaktsınatsııalaý jáne qaıta vaktsınatsııalaý áli de mańyzdy ekenin atap ótti. Immýndyq qabatqa keminde 75-85% jetý kerek, al qalanyń ımýndyq qabaty qazir 60 paıyz kóleminde.

«Búginde vaktsınalyq profılaktıka juqpaly jáne parazıttik aýrýlarǵa, sonyń ishinde koronavırýsqa qarsy negizgi qorǵanys sharasy bolyp tabylady», - dep atap ótti SEBD basshysynyń orynbasary.

Epıdemıolog revaktsınalanýdy keshiktirmeý, maska rejımin saqtaý, dezınfektsııany júrgizý jáne áleýmettik qashyqtyqty saqtaý mańyzdy ekenin atap ótti.