Koronavırýs indetin tek vaktsınatsııalaý jolymen ǵana jeńýge bolady – ınfektsıonıst
Onyń aıtýynsha, turǵyndardy vaktsınatsııalaý jumysy bıylǵy aqpannan beri atalǵan emhanada da atqarylýda.
- Osyǵan deıin 18 jastan asqan 20 myńnan astam adam ekpe kýrsynan ótti. Olar reseılik «Spýtnık V», qazaqstandyq QazVac, qytaılyq Corona-Vac, Vero Cell jáne Birikken Arab ámirlikterinde óndirilgen Hayat-Vax vaktsınalaryn qabyldady. Búginnen bastap buǵan amerıkandyq Pfizer kompanııasynyń Comirnaty vaktsınasymen egý qolǵa alyndy. Munyń ereksheligi, kelisimderine sáıkes jáne qarsy kórsetilimderi bolmasa, jasóspirimderge, sondaı-aq júkti jáne bala emizetin áıelderge salynady. Bastapqy kúni «Maqsat» medıtsına kolledjiniń stýdentteri belsendilik kórsetti. Olardyń 22-si 17, úsheýi 16 jasta. Oǵan qosa 3 júkti jáne 2 bala emizetin kelinshek egildi. Jalpy, barlyǵy 4 834 adamdy osy vaktsınamen egý josparlanǵan.
- Oǵan qajetti vaktsına jetkilikti me?
- Eger sol 4 800-den astam adam kelisimin berse, bári de egiledi. Comirnaty vaktsınasynyń ereksheligi, óte tómen temperatýrada, 90 gradýs sýyqta saqtalady. Sondyqtan ol tıisti lıtsenzııasy bar «Talap» AQ-nyń qoımasynda ornalastyrylǵan. Bizdiń emhanada bir aı ǵana saqtaýǵa bolady. Bir ampýla 6 adamǵa eseptelgen.
- Ekpe salý barysy tolyq baqylaýda bolady ǵoı?
- Iá, árıne. Kim-kim de egilerdiń aldynda dárigerge qaralady. Vaktsına qabyldaǵannan keıin 30 mınýt baqylaýda bolyp, janama áseri sezilmese, úıine jiberiledi. Sodan keıin de úsh kún boıy qadaǵalanady. Eger qyzýy kóterilip, ekken jeri isinip ketse, dárigerge habarlasyp, tıisti emin alady.
- Comirnaty vaktsınasymen basqa sanattaǵy adamdar egile ala ma?
- Memlekettik tapsyrys aıasyna kirmeıtin, egilemin degen turǵyndar aqyly túrde qabyldaı alady. Bul vaktsına da eki komponentten turady. Ekinshi komponentin 21 kúnnen keıin alady. 38 jyl jumys tájirıbesi bar dáriger retinde aıtarym, indetten tezirek qutylýdyń jalǵyz ári senimdi joly vaktsınatsııa der edim. On segizinshi ǵasyrdan beri adamzat kókjótel, týberkýlez sııaqty dertterdi tek aldyn ala egilý arqyly jeńip shyqty. Sondyqtan jurtshylyqty vaktsına alyp, pandemııamen birlesip kúresýge shaqyramyn. Bizdiń emhanada da saǵat 08.00-den 20.00-ge deıin úzilissiz, demalys kúnderi de ekpe jumystary júrgiziledi.
Eske sala keteıik, budan buryn Batys Qazaqstanda Pfizer vaktsınasyn egý bastalǵanyn, 17 jastaǵy stýdenttiń óziniń jáne jaqyndarynyń qaýipsizdigi úshin vaktsına alǵanyn jazǵan bolatynbyz.
