Koronavırýs: BQO-da ınfektsııalyq statsıonarlar 39,4 paıyzǵa toly
BQO densaýlyq saqtaý basqarmasynan málim etkenindeı, keshe sondaı-aq 126 adamnan koronavırýs anyqtaldy.
Kúni búgin 751 tósektik 14 ınfektsııalyq statsıonarda 296 naýqas emdelip jatyr, aýrýhanalar 39,4 paıyzǵa tolǵan.
Sonyń ishinde Oral qalasyndaǵy 578 tósektik 8 statsıonarda 277 adam (47,9 paıyz) em qabyldaýda.
Jansaqtaý bólimshelerinde jatqan 19 naýqastyń 15-i aýyr, tórteýi asa aýyr halde. Bulardyń tórteýi ınvazıvti jasandy tynys alý apparatyna, 10-y ınvazıvti emes osyndaı qurylǵyǵa, beseýi ottegi kontsentratoryna qosylǵan.
Pandemııa bastalǵannan beri óńirde 49 010 adam koronavırýs juqtyrsa, sonyń 8 940-y bıylǵy jyldyń úlesine tıedi.
Oblys boıynsha COVID-19 dıagnostıkasy boıynsha 14 zerthana jumys isteıdi. Sońǵy táýlikte 1 399 zertteý júrgizildi.
Jyl basynan beri 25 naýqas koronavırýstan kóz jumdy.
Basqarmadan túsken málimetke qaraǵanda, óńirde turǵyndardy vaktsınatsııalaý jumysy jalǵasýda.
Óńirde 268 683 adam (egilýge jatatyndardyń 64,8 paıyzy) vaktsınanyń birinshi, 252 426-sy (60,9 paıyzy) ekinshi komponentin saldyrdy.
Sondaı-aq 50 611 adam revaktsınatsııadan ótti. 9 369 adam Pfizer vaktsınasyn saldyrsa, sonyń 4 859-y – jasóspirimder, 335-i – júkti, 4 175-i – bala emizetin áıelder.
Eske sala keteıik, budan buryn Batys Qazaqstanda 50 myńǵa jýyq turǵynnyń revaktsınatsııadan ótkenin jazǵan bolatynbyz.
