Koronavırýs: Beıjiń – bos qalǵan megapolıs
Aldymen, Beıjiń qalasynyń ákimshiligi epıdemıologııalyq jaǵdaıǵa baılanysty resmı demalys kúnderin úsh kúnge – 3 aqpanǵa deıin uzartty, keıinirek kásiporyndar úshin jańajyldyq demalysty 10 aqpanǵa deıin uzartýdy uıǵardy. Qytaı astanasynda koronavırýstyń jańa túriniń taralýyna baılanysty tótenshe jaǵdaıdyń eń joǵary «birinshi» deńgeıi jarııalandy.
Qytaılar úshin bul jańa jyl – otbasylyq mereke bolyp sanalady, ádette olar jaqyn adamdarymen birge qonaqtarǵa, jańajyldyq jármeńkelerge, saýda ortalyqtaryna jáne týrıstik oryndarǵa barady.
Alaıda, bıylǵy kóktem merekesi (Chýntsze) Beıjiń turǵyndary men qonaqtary úshin aıryqsha boldy. Koronavırýstyq indet taralýynyń aldyn alý úshin Beıjińniń negizgi kórneki oryndary, mýzeıleri men monastyrlary jabyldy. Oıyn-saýyq oryndary men meıramhanalardyń kópshiligi jumys istemeıdi. Barlyq buqaralyq mádenı-saýyq sharalary, atap aıtqanda, jańajyldyq jármeńkeler, kıno premeralary jáne sporttyq jarystar toqtatyldy.
Temirjol vokzaldarynda, áýejaılar men metroda jolaýshylardy sanıtarlyq baqylaý sharalary kúsheıtildi.
Búginde Beıjiń - dańǵyldary, saıabaqtary, týrıstik kósheleri men metrosy bos qalǵan megapolıs.
Tsıanmendegi jaıaý júrginshiler kóshesi – Beıjińniń áıgili týrıstik maqtanyshtarynyń biri.
Gomao iskerlik aýdany jáne Gomao metrostantsııasyna kirý.
Vanfýtszın – Beıjińdegi tanymal saýda kósheleriniń biri.
Tyıym salynǵan «Gýgýn» qalasynyń soltústik qaqpasy. ıÝNESKO-nyń Adamzattyń mádenı murasy tizimine engen mýzeı keshenine jyl saıyn 7 mıllıonǵa jýyq týrıst keledi.
Sheteldikter arasynda tanymal aýdan - Sanlıtýn. Kóptegen barlar men dúkender toptastyrylǵan oryn.
«Sıdan» saýda aýdany – shoppıng jasaýshylardyń súıikti orny.
Medıtsınalyq betperdeler eń qajetti zatqa aınaldy. Beıjiń dárihanalarynyń kópshiliginde «Berperdeler satylymda joq» habarlamasy ilingen.
Beıjińde azyq-túlik tapshylyǵy joq, sýpermarketter men shaǵyn azyq-túlik dúkenderi jumys isteıdi. El astanasy bıliginiń sheshimimen, qalany sýmen, elektrmen, gazben, kommýnıkatsııamen, kólikpen jáne taǵammen qamtamasyz etetin uıymdar qalypty rejimde jumys isteýi kerek. Alaıda kóptegen Beıjiń turǵyndary bolashaqta paıdalaný úshin azyq-túlikti molynan satyp alady.
Beıjiń metrosynyń ótkelderi men stantsııalarynyń biri.
Beıjińniń jerasty joly. Jartylaı bos metro vagony.
Beıjiń kósheleriniń birinde jergilikti turǵyn qytaı gımnastıkasymen aınalysýda.
Sońǵy deerkterge sáıkes, Beıjińde 212 naýqastyń vırýs juqtyrǵany rastaldy, olardyń bireýi kóz jumdy. On eki adam aýrýhanadan shyǵaryldy.
Qazir Beıjiń qalypty jumys kúnderiniń bastalýyna jáne Jańa jyl merekelerinen keıingi turǵyndardyń ádettegi rejımge oralýyna daıyndalyp jatyr. Kún saıyn barlyq qoǵamdyq oryndar – lıftter, baspaldaqtar jáne alańdar dezınfektsııalanady. Keńse ǵımarattarynda jáne turǵyn úı aýlalarynyń kireberisterinde temperatýra ólshenedi. Taǵy bir jańalyq – Beıjiń metrosynda mindetti túrde qorǵanys maskalaryn kııý. Maska kıýden bas tartqandar metroǵa kirgizilmeıdi.
