Koronavırýs: Batys Qazaqstanda bir kúnde 200-den astam adam jazylyp shyqty

ORAL. QazAqparat – Batys Qazaqstan oblysynda koronavırýs juqtyrǵan 12 naýqas ambýlatorlyq em alyp jatyr, dep habarlaıdy QazAqparat tilshisi.

BQO densaýlyq saqtaý basqarmasy málim etkenindeı, qazirgi tańda 511 tósektik 12 ınfektsııalyq statsıonarda 5 adam emdelýde.

Aýrýhanalar 1 paıyzǵa tolǵan.

Jansaqtaý bólimshesindegi 3 naýqastyń ekeýi asa aýyr, bireýi aýyr halde. Bulardyń ekeýi ınvazıvti jasandy tynys alý apparatyna, bireýi ınvazıvti emes osyndaı qurylǵyǵa qosylǵan.

Jyl basynan beri 43 adam koronavırýstan kóz jumdy. Sońǵy aptada qaıtqandar tirkelgen joq.

Pandemııa bastalǵannan beri barlyǵy 49 646, sonyń ishinde bıyl 9 573 naýqas tirkeldi.

Sońǵy táýlikte 3 adamnan indet tabylsa, 214 naýqas jazylyp shyqty.

Basqarmadan túsken málimetke qaraǵanda, osy kezge deıin 273 375 adam (egilýge jatatyn turǵyndardyń 66 paıyzy) indetke qarsy vaktsınanyń birinshi, 261 910-ıa (63,2 paıyzy) ekinshi komponentimen egildi.

Sondaı-aq 68 294 adam revaktsınatsııadan ótti.

Pfizer kompanııasynyń vaktsınasyn 10 712 adam qabyldasa, sonyń 5 545-i – jasóspirimder, 407-si – júkti, 4 751-i – bala emizetin áıelder, 9-y – múgedekter.

Eske sala keteıik, budan buryn Batys Qazaqstanda 68 myńnan astam adamnyń revaktsınatsııadan ótkenin jazǵan bolatynbyz.