Koronavırýs: Almatyda ınfektsııalyq statsıonarlarda 495 adam jatyr

ALMATY. QazAqparat – Almatyda bir táýlikte 158 adam koronavırýs juqtyrdy. Onyń 141-de sımptom bar, 17-sinde aýrý belgileri joq. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

Jazylyp shyqqandar sany 66 bolsa, 31 adam aýrýhanaǵa jańadan tústi. 1 330 tósek-oryndyq ınfektsııalyq statsıonarlarda 495 adam jatyr, onyń ishinde 24 bala bar. Jalpy reanımatsııa jáne qarqyndy terapııa bólimshesinde 52 adam jatyr.

22 naýqas jasandy tynys alý apparatyna qosylǵan. Invazıvti emes jasandy tynys alý apparatynda 5 adam em qabyldaýdy jalǵastyrýda. High flow-da 9 apparat jumys isteıdi.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 1 566 naýqas bar. Onyń ishinde jeńil jáne ortasha aýyr jaǵdaıda – 1 426 naýqas, sımptomsyz 140 naýqas bar.