Koronavırýs: Almatyda 19 naýqas jasandy tynys alý apparatyna qosylǵan

ALMATY. QazAqparat – Almatyda bir táýlikte 144 adam koronavırýs juqtyrdy. Onyń 130-ynda sımptom bar, 14-inde aýrý belgileri joq. Bul týraly qalalyq qoǵamdyq densaýlyq saqtaý basqarmasynan málim etti, dep habarlaıdy QazAqparat tilshisi.

61 adam jazylyp shyqsa, 39 adam aýrýhanaǵa jańadan tústi. 1 330 tósek-oryndyq ınfektsııalyq statsıonarlarda 464 adam jatyr, onyń ishinde 23 bala bar. Jalpy reanımatsııa jáne qarqyndy terapııa bólimshesinde 46 adam jatyr. 19 naýqas jasandy tynys alý apparatyna qosylǵan. Invazıvti emes jasandy tynys alý apparatynda 7 adam em qabyldaýdy jalǵastyrýda. High flow-da 13 apparat jumys isteıdi.

Medıtsınalyq-sanıtarııalyq alǵashqy kómek mobıldi brıgadalarynyń jáne Telemedıtsına ortalyǵynyń ambýlatorııalyq baqylaýynda 1 422 naýqas bar. Onyń ishinde jeńil jáne ortasha aýyr jaǵdaıda – 1 300 naýqas, sımptomsyz 122 naýqas bar.