Koronavırýs adam psıhologııasyna qalaı áser etedi – psıholog pikiri
«Іndet saldarynan ólim kóbeıdi. Karantın sharalary kúsheıtildi. Qoǵamnyń turmysy ózgerdi. Árıne, munyń barlyǵy psıhologııamyzǵa keri áser etedi. Óıtkeni belgisizdik adamdy qatty sharshatady. Jeńil aýrý túrleriniń ózi adam boıynda úreı týdyratyny málim. Al koronavırýs odan birneshe ese kóp kólemde qorqynysh uıalatady. Sebebi basqa dertterdiń emi bar. Saýyǵyp shyǵý úshin tek ýaqyt kerek. Al bul ınfektsııanyń ázirge emi joq, qashan aıaqtalatyny belgisiz. Osynyń nátıjesinde adamdarda psıhologııalyq úreı paıda bolady. Saldarynan adam boıyndaǵy basqa da aýrýlar asqynady, psıhologııalyq travma alady.
Kóbine egde jastaǵy adamdar psıhologııalyq úreıge boı aldyrady. Al jastar qaýymy óziniń densaýlyǵynyń jaqsy kúıde ekenine senimdi. Sonymen qatar olarda jaýapkershilik az. Al egde jastaǵy adamdar otbasy, týys-týǵandarynyń ómirine janashyrlyqpen qaraıdy jáne qazirgi jaǵdaıdy óte aýyr qabyldaıdy», - dedi Erjan Myrzabaev.
Sondaı-aq psıholog indet saldarynan paıda bolatyn úreıdi eńserýge kómektesetin keńesterimen bólisti.
«Birinshiden, ishki sezim áreketke ulasýy shart. Adam boıyndaǵy kez-kelgen sezim bosqa belgi bermeıdi. Sharasyzdyq tanytyp, áreketke kóshpesek, sezim adamdy ishteı mazalaı bastaıdy. Máselen, aýrý juqtyryp alamyn dep qoryqsańyz, medıtsına qyzmetkerleri aıtqan keńester men saqtyq sharalaryna moıynsyný qajet. Al bulaı jasamaǵan jaǵdaıda, ishki mazasyzdyq artyp, psıhosomatıkalyq aýrýlar órshıdi. ıAǵnı, medıtsınalyq tekserý kezinde sizdiń dertińiz joq, biraq basyńyz, júregińiz, búıregińiz jáne taǵy basqa jerlerińiz aýyryp turǵandaı bolady.
Ekinshiden, týǵan-týystarmen qarym-qatynasty jaqsartý kerek. Jaqsy kóretin ispen aınalysyp, kóńil-kúıimizdi kóterip, oımyzdy basqa arnaǵa burǵanymyz ózimiz úshin paıdaly. Degenmen karantın talaptaryn buzyp, qonaqqa baryp, toı toılaýdyń qajeti joq. Ýaqyt taýyp, ázil, oıyn-saýyq baǵdarlamalardy qarap, mıdy sergitý úshin óleń aıtý – psıhıkany qalypty jaǵdaıda ustaýǵa múmkindik beredi», - dep atap ótti Erjan Myrzabaev.
Maman pikirinshe, sportpen aınalysyp, shýaqty kúni asyq ashpan astynda saıahattaýdyń da paıdasy zor. Sebebi kún energııasy adam boıyndaǵy «Baqyt garmondarynyń» kóp kólemde bólinýine yqpal etedi.
