Kórneki aqparattyq karta týraly málimet
«Nur Otan» HDP-nyń 13-shi sezinde, ulyqtaý rásiminde sóılegen sózinde, sondaı-aq Úkimettiń keńeıtilgen otyrysynda elimizdiń ekonomıkalyq, saıası, áleýmettik salalardyń damýyna baǵyttalǵan, serpindi damýyna múmkindik beretin birqatar mindetterdi júktegen bolatyn. Mine, soǵan baılanysty, Ekonomıkalyq damý jáne saýda mınıstrligi Elbasynyń tapsyrmalaryn iske asyrýdyń Kórneki aqparattyq kartasyn daıyndady. Ol jóninde osy jyldyń mamyr aıynda atalǵan vedomstvonyń basshysy Qaırat Kelimbetov Úkimette arnaıy baıandama jasaǵan edi. Kartada damýdyń jeti negizgi baǵyty qamtylǵan jáne karta ekonomıkany ártaraptandyrýdy jedeldetýge, daǵdarystan keıingi damýǵa, azyq-túlik qaýipsizdigin qamtamasyz etýge, bolashaqqa ınvestıtsııa salýǵa, azamattaǵa arnalǵan qyzmetter kórsetýge, memlekettik basqarý júıesin damytýǵa, halyqaralyq qatynastar men yqpaldasýǵa baǵyttalǵan.
Memleket basshysy Іshki jalpy óniminiń jyl saıynǵy naqty ósýin keminde 7 paıyz deńgeıinde qamtamasyz etý mindetin qoıǵany belgili, bul óz kezeginde Qazaqstandy taıaýdaǵy bes jylda kirisi joǵary elderdiń tobyna kirýge múmkindik beretin bolady.
Osy oraıda qarjylyq sektor baǵytynda birinshi bolyp «Samuryq-Qazyna» Ulttyq ál-aýqat qory» aktsıonerlik qoǵamyna kiretin ulttyq kompanııalardyń aktsııalaryn halyq arasyna taratýdy boljaıtyn «Halyqtyq IPO» baǵdarlamasy daıyndalyp, shaǵyn kredıtteý quraldaryna qol jetkizýdi keńeıtýge baǵyttalǵan jumystar júrgiziledi. Ekonomıkanyń básekelestigin joǵarlatý úshin ekonomıkany ártaraptandyrý boıynsha josparlar jedel iske asyrylmaq. Qazaqstanda tuńǵysh ret Ulttyq geologııalyq barlaý kompanııasy qurylatyn bolady, Úkimetke Atom energııasy agenttigin qurý jóninde usynys engizildi, sondaı-aq energııa tıimdiligin arttyrýdyń keshendi josparyn ázirleý, sonymen qatar 2014 jylǵa deıin 8,1 trıllıon teńgeni quraıtyn 294 ınvestıtsııalyq jobany iske asyrý, onyń ishinde aǵymdaǵy jyly keminde 192 jobany iske qosý josparlanýda.
Elimizdiń tranzıttik áleýettin damytý maqsatynda Qazaqstandy óńirdegi saýda-sattyq, logıstıkalyq, isker habqa aınaldyrý úshin Úkimettiń is-qımyl jospary ázirlenetin bolady. Adamı resýrstar sapasyn arttyrýǵa baǵyttalǵan sharalardy qabyldaý, naqtyraq aıtqanda orta bilim beretin mekemelerdegi oqý sapasyn ortalyqtandyrý jáne baqylaýdy kúsheıtý, «Bolashaq» baǵdarlamasy boıynsha bilim alǵandardy eńbekpen qamtýdy qamtamasyz etý, biliktiligi joǵary eńbek resýrstary úshin ashyq mıgratsııa qaǵıdatyn engizý Ekonomıkalyq damý jáne saýda mınıstrligi jumysynyń negizi baǵyttarynyń biri bolyp tabylady.
Reseımen jáne Belarýspen birlesip Keden odaǵy damytylmaq jáne taıaý jyldary Eýrazııalyq ekonomıkalyq odaǵy qurylatyn bolady. Ár baǵyt boıynsha Qazaqstan Respýblıkasy Premer-Mınıstriniń orynbasarlary jaýapty bolyp belgilengen. Sondaı-aq ár baǵyt boıynsha Memleket basshysynyń tapsyrmalary qarastyrylǵan jáne mınıstrlikter men vedomstvolardyń jaýaptylary aıqyndalǵan, tapsyrmalardyń naqty oryndalý merzimi jáne naqty nátıjeler kórsetilgen. Bul óz kezeginde Memleket basshysynyń tapsyrmalaryn iske asyrý barysyn tekserip, qorytyndysyn baǵalaýǵa múmkindik beredi. Tutastaı alǵanda Kartany engizý jumysty naqty nátıjelerge qol jetkizýge jumyldyratyn bolady, bul sóz joq elimizdiń ál-aýqatynyń turaqty jáne ornyqty ósýine ákeledi.
Aıta keteıik, Qazaqstan Respýblıkasyn damýynyń Kórneki aqparattyq kartasy mamyr aıynyń sońynda Úkimette bekitildi. 2011 jylǵy 17 mamyrda Úkimet otyrysynda usynylǵan bul Karta memlekettik organdardyń eskertýleri men usynystaryn eskere otyryp, qaıta pysyqtalǵan edi. Búginde Karta Úkimettiń jáne mınıstrlikterdiń saıttarynda ornalastyrylylǵan. Eldiń damý barysy, qaı vedomstvonyń qandaı sharýyna atqaratyny týraly aqparat alǵysy kez-kelgen azamat Aqparattyq kartany zerdelep, Úkimettiń jaqyn kezeńdegi jumysynyń qandaı ekenin bilip otyrýǵa múmkindik alyp otyr.
Aqparattyq karta birneshe bólimderge bólingen. Máselen, ındýstrııalandyrý bóliminde «Qorǵas» jáne «Aqtaý teńiz aılaǵy» arnaıy ekonomıkalyq aımaqtaryn odan ári damytý jóninde keshendi sharalar qabyldaý boıynsha jaýapty oryndaýshy bolyp Kólik jáne kommýnıkatsııa mınıstrligi anyqtaldy. Buǵan deıin bul bólim Indýstrııa jáne jańa tehnologııalar mınıstrliginiń qarmaǵynda edi.
Innovatsııa bóliminde qarjylyq jáne salyqtyq yntalandyrý máselelerin, sondaı-aq, venchýrlik qarjylandyrýdy damytý máselelerin qosa alǵanda, ınnovatsııany qoldaýǵa baılanysty sharýalar kesheni boıynsha usynystar engizý Ekonomıkalyq damý jáne saýda mınıstrliginiń jaýapkershiligine ótti.
Qazaqstannyń ǵylymy men tehnologııasy jetistikteriniń kórme keshenin qurýǵa jáne A.V. Borısenko júıesi boıynsha tehnologııalyq gazdardy tazartý jónindegi jumysty jalǵastyrýǵa qatysty tapsyrmalarǵa Bilim jáne ǵylym mınıstrligi jaýapty bolady
Eńbek resýrstary bóliminde biliktiligi joǵary eńbek resýrstary úshin ashyq kóshi-qon qaǵıdattaryn engizý jóninde sharalar keshenin qabyldaýǵa Eńbek jáne halyqty áleýmettik qorǵaý mınıstrligi jaýapty, al Ekonomıkalyq yntymaqtastyq jáne damý uıymy elderimen vızasyz rejımge kóshý men ınvestorlar úshin vıza berý rásimin ońaılatý máseleleri boıynsha Syrtqy ister mınıstrligi jaýapty bolady.
Mınıstr Qaırat Kelimbetovtyń aıtýynsha, kartany engizý arqyly naqty nátıjege qol jetkizetin sharýalarǵa nazar aýdarylady, al bul óz kezeginde, elimizdiń ál-aýqatynyń turaqty jáne ornyqty ósýine yqpal etedi.
