Qorqyt ata murasyna arnalǵan kitaptyń tusaýy kesildi
Kitapta Qorqyt ata týraly ańyzdardan bólek, qobyzshynyń oryndaǵan kúıleri men olardyń tarıhy baıandalǵan. Sondaı-aq avtor Qorqyt murasyn zertteýshi ǵalymdardyń eńbekterin, tarıhı tulǵa týraly ártúrli taqyrypta jazylǵan áńgimelerdi rettep, bir júıege keltirgen.
«Bul eńbek keń kólemde shyǵarylyp otyrǵan alǵashqy dúnıe. Týyndyny jazbas buryn babamyzdyń kúılerin tereńinen zertteýdi qolǵa aldym. Qorqyt ataǵa qatysty bul eńbektiń ishinde buryn-sońdy jaryq kórmegen jańa ańyzdar da bar. Máselen, AQSh dıplomaty, tarıhshy ıÝ.Skaılerdiń (Eugene Schuyler) «Turkestan: Notes of a Journey in Russian Turkestan, Khokand, Bukhara and Kuldja» kitabyndaǵy ańyzdy aıtýǵa bolady. Ol kitap búginde Frantsııa ulttyq kitaphanasynda saqtaýly. Bul Qorqyt ata týraly Syr boıynda aıtylatyn ańyzdardyń eń alǵashqy derekteriniń biri. Odan bólek, babamyzdyń 19 kúıi túgel notaǵa túsirildi», - dedi kitaptyń avtory, Qazaq ulttyq óner ýnıversıteti janyndaǵy Qorqyt ata ǵylymı-zertteý ınstıtýty dırektorynyń orynbasary Álqýat Qazaqbaev.
Sonymen qatar búgingi shara barysynda alǵash ret Qorqyt atanyń júrip ótken jerleri kórsetilgen túrli-tústi karta tanystyryldy.
«Atalǵan kartanyń tússiz nusqasyn osydan 2 jyl buryn Qyzylorda oblysynyń ákimi Qyrymbek Kósherbaevtyń ózi Myrzataı Joldasbekovke tartý etken bolatyn. Ol Sibirdiń tarıhy, etnografııasy jóninde materıaldar jınaǵan shved ofıtseri Tabbert fon Iogan Stralenbergtiń syzǵan geografııalyq kartasy. 1737 jyly jasalǵan kartada Qorqyt ata mazary belgilengen. Bul qazirgi tańda Syr boıynda ómir súrgen Qorqyt ata týraly eń alǵashqy tarıhı derek. Búgin sonyń tuńǵysh túrli-tústi nusqasy kópshilikke usynylyp otyr», -dedi ol.
Aıta ketsek, «Qorqyt ata» murasy jýyrda ǵana ıÝNESKO-nyń materıaldyq emes murasyna engizilgen bolatyn.
Buǵan deıin habarlaǵanymyzdaı, búgin Astanada «Qazaq óneriniń antologııasy» jobasy aıasynda «Sheshendik óner» atty eki tomdyq týyndynyń, Myrzataı Joldasbekovtyń «Oıtolǵaý» jáne «Qalyń qazaqtyń qadirlisi» jańa kitaptarynyń tusaýy kesildi.
