«Qorǵas-Shyǵys qaqpasy» AEA Qazaqstannyń eksporttyq-tranzıttik áleýetin arttyrady
Qytaı shekarasynda Eýrazııalyq qurlyqtaǵy mańyzdy eki aýqymdy joba júzege asyrylýda. Olar «Qorǵas-Shyǵys qaqpasy» AEA-ny qurý men keshendi damytý» jáne «Qorǵas» Halyqaralyq shekaralyq seriktestik ortalyǵyn qurý» jobalary.
«Qorǵas-Shyǵys qaqpasy» AEA-n qurý men keshendi damytý» jańa ekonomıkalyq saıasatty oryndaý maqsatyndaǵy jobalardy júzege asyrý Qazaqstan ekonomıkasynyń ınfraqurylymdyq damýyn qamtamasyz etedi.
«Qorǵas-Shyǵys qaqpasy» AEA geografııalyq jaıly ornalasýy Qytaıdan Ońtústik Shyǵys Azııa elderine, TMD aýmaǵyna, Eýropaǵa, Túrkııaǵa, Parsy shyǵanaǵy elderine alyp barady. Mýldımodaldyq logıstıka, iri óndiristik kásiporyndardy damytý men saýdany ońtaıly uıymdastyrý bul óńirdiń álemdik deńgeıdegi dıstrıbýtsııalyq ortalyq bolatyndyǵyn áıgileıdi.
Jetigen-Qorǵas, Jezqazǵan-Beıneý temir joldary, «Batys Eýropa-Batys Qytaı» avtokólik dálizi, Aqtaý porty, «Qorǵas-Shyǵys qaqpasy» AEA-nyń tehnologııalyq tizbegi Qazaqstannyń álemdik kólik jáne saýda júıesine yqpaldasýyna múmkindik ákeledi.
«Qorǵas-Shyǵys qaqpasy» AEA-nyń mańyzdy bóligi Qurǵaq port sanalady. Bul Qazaqstandaǵy eń úlken jerdegi porty jáne Orta Azııadaǵy eń iri logıstıkalyq park.
«Khorgos-Gateway» JShS Bas dırektory Karl Geıssenniń aıtýynsha, «búgingi tańda 2016 jylǵy (qańtar- qazan) kórsetkish boıynsha 73234 JFE konteınerge júk tıeý kólemi oryndaldy. Konteıner aınalymy 2016 jyly (qańtar-qazan) 59106 JFE qurady.
Qytaı temir jolynyń resmı statıstıkalyq málimeti boljamyna qaraǵanda, QHR- EO baǵdaryna jylyna 5000 dana konteınerlik poıyz jiberiledi. 2020 jyldarǵa qaraı bul kórsetkishti 500 myń JFE-ke jetkizý jospary bar.
Bıylǵy jyly osy baǵdarǵa 95 000 JFE konteınerine jetkizý josparlanyp otyr. Bul kórsetkish 2011 jyly 1100 JFE quraǵan bolatyn.
Temir jol arqyly jalpy tranzıttik tasymalda Lıanıýngannan - Sankt-Peterborǵa 10-13 kúnde júk jetkizý múmkin bolsa, Lıanıýngannan - Ystambulǵa 20-23 kúnde jetkiziledi. Shyǵys Qytaıdan Eýropaǵa temirjolmen tranzıttik júk Eýropaǵa 14-15 kúnde jetedi.
Qurǵaq porttyń kóp bóligi temir jol júk termınaly men logıstıkalyq aımaqqa arnalǵan. Bul óńirde kóterme saýda, ótkizý, saqtaý qoımalary ornalasqandyǵyn atap ótti. Olar ulttyq, aımaqtyq, halyqaralyq suranystardy qamtamasyz etedi. Indýstrııalyq aımaqta birqatar óndiris oryndary, aýyl sharýashylyǵy, tamaq ónerkásibi, jeńil ónerkásip, teri - bylǵary shıkizaty, mashına qurastyrý men qurylǵylaryn jasaý nysandary da ornalasatyn bolady.
Qazirgi tańda Qurǵaq porttyń ındýstrııalyq jáne logıstıkalyq óńiriniń qurylysy aıaqtalýǵa jaqyn.
Qytaı shekarasynda taǵy bir iri joba - «Qorǵas» halyqaralyq shekaralyq seriktestigi ortalyǵy (HShSO) qurylysy kommertsııalyq kelisimderdiń jáne shekaralyq saýda operatsııalarynyń alańyna aınalady, bıznes seriktestikti belsendi júrgizýge yqpal etedi.
«Qorǵas» HShSO prezıdenti Q. Jazın halyqaralyq shekaralyq saýdany damytý, mádenı jáne ǵylymı tájirıbe almasý, oıyn-saýyq ınfraqurylymy týraly áńgimeledi. Osyǵan baılanysty ortalyq qurylysynyń Bas josparyna jáne Tujyrymdamasyna ózgerister men tolyqtyrýlar engizilýde.
Q. Jazınniń aıtýynsha, HShSO ortalyǵynyń normatıvtik- quqyqtyq baszasy jetildirilýde. Onyń ishinde Memleket basshysynyń Jarlyǵymen «Qorǵas» HShSO AEA qurý týraly» zańyna ózgerister men tolyqtyrýlar engiziletin bolady.
Sonymen qatar, HShSO aýmaǵyn kirip-shyǵýdy retteýdiń ádistemeligi jasalyp, bagaj júkterin qabyldaý qyzmetin jaqsartý, ortalyqqa kelýshilerdi biryńǵaı tólem júıesimen qamtý kózdelýde.
Q. Jazınniń aıtýynsha, HShSO tolyqqandy júzege asyrý 2018 jylǵa josparlanyp otyr.
Baspasóz saparyna qatysýshylar Altynkól stansasynda, Nurkent aýylynda boldy.
