Qorǵanys mınıstrligi men kásipkerlerdiń teketiresi: Kimdiki durys
Memlekettik organdar memlekettik satyp alý týraly kásipkerlermen kelisimge kelse de, ýaqyty kelgende tıisti aqshasyn kásipkerlerge nege bermeıdi? «Atameken» QR Ulttyq kásipkerler palatasynyń búgin kótergen máselesiniń mazmuny - osy. Palatanyń kásipkerlerdi quqyqtyq qorǵaý departamentiniń dırektory Oleg Savelenkonyń aıtýynsha, búgingi tańda palataǵa júgingen shaǵymy kóp kásipkerler kóbeıip ketken.
«Osy shaǵymdardy zertteı kele biz kásipkerlerdiń múddesiniń buzylýynyń eń ótkir kórinisterin mysal etpekpiz», - deıdi ol.
Savelenko eki jyldan assa da, sheshimi tabylmaı kele jatqan Qorǵanys mınıstrligi men kásipkerlerdiń arasyndaǵy daýdy mysalǵa keltirdi. Onyń aıtýynsha, 2016 jyldyń jeltoqsan aıynyń sońyna qaraı QR Qorǵanys mınıstrligi kásipkerlermen buryn jasalǵan negizgi sharttar negizinde qosymsha kelisimderge qol qoıǵan. ıAǵnı, 2017 jyly qańtardan aqpan aıyna deıin (baıqaý protsedýralary sheshilgenshe) kásipkerler áskerı bólimshelerdegi áskerı qyzmetshilerdi tamaqtandyrýǵa mindettelgen.
«Alaıda qyzmet kórsetý jasalǵan soń QR Qorǵanys mınıstrligi oryndalǵan jumys aktilerine qol qoıýdan jáne kásipkerlerge jasalǵan qyzmetteri boıynsha aqsha tóleýden bas tartqan. Osynyń saldarynan bıznes qarjylyq shyǵynǵa batyp otyr. Óziniń bul áreketin memlekettik organ sharttyń qazynashylyq organdarda ýaqtyly tirkelmegendigimen túsindiredi», - deıdi ol.
Oleg Savelenko daýdyń aqyry kásipkerler qarjylyq tyǵyryqqa ushyratqanyn, qazirgi tańda 200 mln teńge kóleminde shyǵynǵa batqan 11 shaǵyn jáne orta bıznes sýbektisi jaıynda málimet baryn alǵa tartady. Buǵan qosa kásipkerler qyzmetkerlerine ýaqtyly eńbekaqysyn bere almaı, salyǵyn tóleýge, nesıesin óteýge murshasy bolmaı otyrǵan kórinedi.
Keńes barysynda mınıstrlikke taǵylǵan mundaı synǵa QR Qorǵanys mınıstrliginiń memlekettik satyp alý bas basqarmasynyń bastyǵy Aleksandr Stepanenko jaýap berdi. Onyń aıtýyna qaraǵanda 2016 jyldyń sońyna qaraı Memlekettik satyp alý boıynsha bas basqarma men kásipkerlerdiń arasyndaǵy ýaǵdalastyq bıýdjet kodeksiniń sheńberinen shyǵyp ketetin qyzmet túrine ákep soqtyrǵan.
«2017 jyldyń qańtar jáne aqpan aılarynda 11 kompanııaǵa mindetti kelisim zańdy kúshine engizilmeı turyp qyzmet kórsetilip ketken. Fırmalardyń qarjylyq shyǵynǵa tap bolǵanyn eskerip, Qorǵanys mınıstrligi 2017 jyldyń aqpan aıynda atalǵan qyzmetterdi kórsetýshilerge (kompanııalar - avt.) qajetti keńes berdi. Munyń arty sotqa ulasty. Biraq, mindettemeniń rastalmaǵanyna qaramastan, Qorǵanys mınıstrligi sot tártibi boıynsha shyǵyndy óteýden bas tartqan joq. Mamandandyrylǵan aýdanaralyq ekonomıkalyq sottyń sheshimi, sonymen birge appelıatsııalyq ınstantsııa kúni keshege deıin taraptardy ortaq mámilege keltire almady. Kásipkerlerdiń talaptary qanaǵattandyrylmady», - deıdi ol.
Aleksandr Stepanenkonyń statıstıka boıynsha málimet keltirip, tasymaldaýshy bes kompanııadan shaǵym túskenin aıtady.
«Eger taraptardyń biri memlekettik mekeme bolsa, qoldanystaǵy zańnama azamattyq kodeks pen azamattyq quqyq normalaryn qoldanýǵa jol bermeıdi. Soǵan baılanysty Qarjy mınıstrligine de suraý joldadyq. Biz sot tártibi boıynsha mindettemelerden bas tartpaıtynymyzben, biraq sotqa deıingi tergeý amaldary bizdiń qalaýymyz boıynsha sheshim shyǵara almaıdy», - deıdi ol.
Qorǵanys mınıstrliginiń ókili atalǵan máseleniń, ókinishke qaraı, júıeli túrdegi sıpaty baryn atap ótip, másele báribir bir kúni sheshimin tabatynyna senim bildirdi.
«Ony sheshý úshin aldymen zańnamalyq bazany jetildirip, fors-majorlyq jaǵdaıda memlekettik satyp alý boıynsha kelisimge kelý máselesin taldaý kerek. Nelikten mundaı másele týyndady? Sebebi, osynaý qosymsha kelisimge kelý kezinde 2016 jyly qoldanysta bolǵan kelisimder 31 jeltoqsannan bastap kúshin joıǵan. Dese de, atalǵan máseleniń sheshimin tabarmyz degen úmittemiz», - dep túıdi Aleksandr Stepanenko.
