Koreıada áskerı ushaq apatqa ushyrap, 4 adam qaza tapty

ASTANA. KAZINFORM — Koreıa Respýblıkasynda áskerı ushaq apatqa ushyrap, onyń barlyq tórt ekıpaj múshesi opat boldy, dep jazady AZERTADJ.

Agenttik Yonhap-qa silteme jasap habarlaǵandaı, Koreıa Respýblıkasynyń Qorǵanys mınıstrliginiń málimetinshe, P-3 teńiz patrýldik ushaǵy jergilikti ýaqyt boıynsha 13:43–te eldiń ońtústik-shyǵysyndaǵy Phohan qalasyndaǵy áskerı bazadan oqý-jattyǵý tapsyrmasyn oryndaý úshin ushyp shyqqan.

13:49 shamasynda ushaq bazaǵa jaqyn mańdaǵy tóbege soqtyǵysqan. Vedomstvonyń málimetinshe, turǵyndar arasynda zardap shekkender joq. Qaza tapqandardyń deneleri kúıip ketken.

Qıraǵan ushaqtyń synyqtarynan úsh adamnyń denesi tabyldy.

Janyp jatqan ushaqty sóndirý úshin tikushaqtar men arnaıy tehnıkamen jabdyqtalǵan órt sóndirýshiler jumyldyryldy. Málimetterge qaraǵanda, apatqa ushyraǵan P-3 ushaǵy tolyǵymen janyp ketken.

Buǵan deıin Fınlıandııadaǵy tikushaq apatynan bes adam qaza tapty.