Koreıada 72 myńnan astam kólik keri qaıtarylady

Tesla Korea, Hyundai Motor Co. jáne taǵy tórt óndirýshiniń 72 myńnan astam kóligi keri qaıtarady. Buǵan kólik bólshekterindegi aqaý sebep bolǵan. Kazinform agenttigi bul týraly Yonhap aqparat agenttigine silteme jasap habarlaıdy.

Tesla shyǵarǵan shamamen 63 991 kólikte, sonyń ishinde Y modelindegi avtopılot júıesinde baǵdarlamalyq qate, al Model X-tiń shamamen 1 990 birliginen soqtyǵysqan jaǵdaıda esikti qulyptaý mehanızminde aqaýlar bolǵany anyqtaldy.

Hyundai kóliginiń 2400-ge jýyq birligi, sonyń ishinde G80 modeliniń artqy dóńgeleginiń jetek biliginen aqaý shyqty. Bul kólikterdiń qozǵalys kezinde toqtap qalýyna ákep soqtyrýy múmkin edi.

Ford Mustang markaly 2156 kólik tejegish suıyqtyǵy az bolǵan kezde eskertýdi durys bere almady.

Nissan-nyń 1100-ge jýyq kóliginde, sonyń ishinde Altima 2.0 modelinde artqy kórinis kamerasynda problemalar boldy.

Kia Seltos avtokóliginiń 922 birligi qaýipsizdik kópshigi júıesindegi aqaýlarǵa baılanysty keri qaıtaryldy, Honda Odyssey markaly 49 mınıvenda qozǵaltqysh bólikterinde aqaý bar ekeni ekeni anyqtaldy.