22:00, 11 Tamyz 2024 | GMT +6
Koreı trýppasy Astanada óner kórsetti
ASTANA. KAZINFORM — Koreıanyń ulttyq zamanaýı bı ujymy alǵash ret «Astana Operada» «Djýnglı» horeografııalyq týyndysyn sahnalady. Bul týraly Mádenıet jáne aqparat mınıstrliginiń baspasóz qyzmeti málim etti.
Tumsa tabıǵat tirshiligi arqyly adam ómirin fılosofııalyq turǵyda kórsetetin biregeı qoıylym kópshilik kórermenge erekshe áser syılady. «Djýnglı» horeografııalyq týyndysy ulttyq zamanaýı bı kompanııasynyń kórkemdik jetekshisi Kım Sonen jasaǵan atıpti qozǵalystardy zertteýge negizdelgen.
Óz isiniń mamandarynan quralǵan shyǵarmashylyq ujymnyń 17 ártisi joǵary deńgeıde óner kórsetti. Koreıa ulttyq zamanaýı bı kompanııasynyń óner men tabıǵattyń úılesimin týǵan biregeı qoıylymy astanalyq kórermenniń ystyq yqylasyna bólendi.
