Koreı mádenıetiniń festıvali ótedi
Bul týraly Koreıa Respýblıkasy Elshiligi Koreı mádenı ortalyǵynyń baspasóz qyzmeti aqparat taratty.
Shara Qazaqstan Respýblıkasy Táýelsizdiginiń 30 jyldyǵyna arnalmaq.
«Shara qazaqstandyqtardyń Koreıaǵa degen qyzyǵýshylyǵynyń artýyna yqpal etedi. Festıvalde koreı halqynyń dástúri men mádenıetine qyzyǵatyn almatylyqtarǵa jáne qala qonaqtaryna túrli kontserttik baǵdarlamalar usynylady», - deıdi Koreı mádenı ortalyǵynyń dırektory Lı Heran.
Onyń aıtýynsha, dál osyndaı shara ótken aptada Nur-Sultan qalasynda da uıymdastyrylǵan.
«Almaty qalasyndaǵy koreı mádenıetiniń festıvali 15 jáne 16 qazan kúnderi Respýblıka saraıynda ótedi. 15 qazanda saǵat 19.00-de koreı mýzykalyq komedııa teatry koreı dástúrli óneriniń kontsertin ótkizse, 16 qazanda «ICU» jáne «N. CUS» sııaqty K-POP toptary kontsert qoıady», - deıdi ortalyq dırektory.
