Qordaıda zamanaýı polıtsııa ǵımaraty ashyldy

ASTANA. KAZINFORM — Jambyl oblysy Qordaı aýdanynda aýdandyq polıtsııa bóliminiń jańa ǵımaratynyń saltanatty ashylýy ótti, dep habarlaıdy Іshki ister mınıstrligi.

Jambyl oblysy ákiminiń birinshi orynbasary Nurjan Kalenderov, PD bastyǵynyń orynbasary Muhtar Amanbekov ashylý saltanatyna qatysyp, bólinistiń tehnıkalyq jabdyqtalýymen tanysty. Olar jańa nysan polıtsııanyń jumysyn jaqsartýǵa oń áser etetinine senim bildirdi.​

Ǵımaratta azamattardy qabyldaý úshin qajetti barlyq zamanaýı jabdyqtar qarastyrylǵan, qyzmetkerlerge tıimdi qyzmet etý úshin jaǵdaılar jasalǵan.​

Qordaı aýdany — Qyrǵyz Respýblıkasymen shekaralas oblysymyzdyń eń tyǵyz qonystanǵan aýdany (155 myńnan astam turǵyny bar). 157 polıtsııa qyzmetkeri tynyshtyqty kúzetip, qordaılyqtardyń qaýipsizdigin qamtamasyz etedi.

Polıtseıler úshin jańa ǵımaratta 150 adamǵa arnalǵan úsh qabatty ákimshilik ǵımarat salyndy. Qyzmettik kabınetter beınebaqylaý kameralarymen, ınternet, kompıýterlik tehnıkamen jabdyqtalǵan, bir mezgilde birneshe adamǵa qyzmet kórsetý múmkindigi bar. Demalys bólmeleri, as úı, ashana, kitaphana qarastyrylǵan.

​Polıtseılerdiń sporttyq daıyndyǵyna kóp kóńil bólinedi. Sport kesheninen basqa, atys alańy men qarý-jaraq bólmesi de bar.

Saltanatty ashylý kezinde polıtsııa bólimine 78 jastaǵy jergilikti turǵyn kelip shashý shashyp qazaqtyń ulttyq dástúrin jasaı otyryp, batasyn berdi, jańa jylda beıbit aspan men kórkeıe berýdi tiledi.

Aıta keteıik, osyǵan deıin Jambyl oblysynda Anabaı ken ornynan gazdyń jańa kózi ashylǵany habarlandy.