Qordaıda ustalǵandardyń sany alǵashqy aıtylǵannan kóp – ІІM

NUR-SULTAN. QazAqparat – Іshki ister mınıstriniń orynbasary Alekseı Kalaıchıdı Qordaıdaǵy oqıǵa kezinde naqty qansha adamnyń ustalǵanyn aıta almaıtynyn málim etti, dep habarlaıdy QazAqparat tilshisi.

«Rasynda da, basynda 47 adam ustalǵan edi. Oqıǵa túnde tirkeldi. Buǵan deıin aıtqanymyzdaı, ol jerde «haıp ustap qalýdy» oılaǵan adamdar da bolǵan. Keıbireýler ártúrli pikirler taratqan. Sol sebepti ustalǵandardyń sany alǵashqyda aıtylǵannan da kóp. Bári tekserilip, jaýap alynyp jatyr. Olardyń osy oqıǵaǵa qanshalyqty qatysy bary anyqtalýda. Naqty qansha adamnyń ustalǵanyn qazir aıta almaımyn. Ol jerde jedel tergeý amaldary júrgizilýde. Menińshe, qansha adamnyń ustalǵany búgin naqty aıtylady», - dedi Alekseı Kalaıchıdı OKQ-da ótken baspasóz máslıhatynan keıin tilshilerge.

Onyń aıtýynsha, segiz adam oqıǵa ornynda, al ekeýi medıtsınalyq mekemede kóz jumǵan.

«Áli de jansaqtaý bóliminde jatqandar bar. Úımen birge azamattardyń qujattary da órtenip ketken. Sol sebepti biz aýdan ortalyǵynda qujatt qalpyna keltiretin kóshi-qon pýnktin ashyp qoıdyq», - dedi ol.

Al qansha azamattyń qyrǵyz shekarasyna ótip ketkeninen Alekseı Kalaıchıdı habarsyz bolyp shyqty.

«Biz tek oqıǵanyń ishinde jumys júrgizip jatyrmyz», - dedi ol.