Qordaı oqıǵasyna qatysty ustalǵan kúdikti tergeý ızolıatorynda qaıtys boldy - Prokýratýra
«Búgin, 29 sáýirde, tańǵy saǵat 08.00-de Almaty qalasynyń tergeý ızolıatorynda Qıbaev Bekbol Muhameduly sol jaq qolynyń bilek tusynan kesilgen kúıi dárethanadan tabylǵan. Ony kamerada birge otyrǵan adamdar taýyp alǵan. Izolıatordyń medıtsına qyzmetkerleri birden alǵashqy medıtsınalyq kómek kórsetti. Alaıda, ony qutqaryp qalý múmkin bolmady. Shaqyrtý boıynsha kelgen jedel járdem brıgadasy onyń qaıtys bolǵanyn tirkedi. Ólim qandy kóp joǵaltýdan bolýy múmkin», - delingen Bas prokýratýranyń aqparatynda.
Aıta keteıik, B.Qıbaev Jambyl oblysy Qordaı aýdanynda bolǵan jappaı tártipsizdikke qatysqany úshin ustalyp, tergeý ızolıatoryna qamalǵan.
«Atalǵan fakti boıynsha Almaty qalasynyń arnaıy prokýrorlary sotqa deıingi tergep-tekserýdi júrgizip jatyr. Oryn alǵan jaǵdaıǵa qatysty barlyq mán-jaılar obektıvti zerttelip, jurtshylyqqa jetkiziletin bolady», - dedi QR Bas prokýratýranyń baspasóz qyzmetinen.
