Qordaı oqıǵasy: Zardap shekken aqsaqal aýrýhanadan shyǵarylady

ALMATY. QazAqparat - Qordaı aýdanyndaǵy oqıǵada zardap shekken Tólegen Qudashpaevty aýrýhanadan shyǵarýǵa daıyndap jatyr. Bul týraly QR Densaýlyq saqtaý vıtse-mınıstri Kamaljan Nadyrov málimdedi, dep habarlaıdy QazAqparat tilshisi.

«Keshe biz kópbeıindi klınıkalyq aýrýhanada jatqan naýqastyń jaǵdaıyn bildik. Ol qart kisi. Aqsaqalǵa ota sátti jasaldy. Búgin ol jansaqtaý bóliminen palataǵa aýystyryldy. Onyń jaǵdaıy qanaǵattanarlyq. Biz ony aýrýhanadan shyǵarýǵa daıyndap jatyrmyz», - dedi Kamaljan Nadyrov.

Eske salaıyq, 5 aqpan kúni Qordaı aýdanynda aqsaqal men onyń uldaryn soqqyǵa jyqqan. Tólegen Qudashpaevty jambasyna ota jasaý úshin Almatyǵa sanavıatsııamen jetkizdi.