Koranavırýs juqtyrǵan túlekter UBT-ny qalaı tapsyrady
«Túlekterdiń koronavırýsqa shaldyǵýy jaǵdaıy bolýy múmkin. Sondyqtan UBT ótkizetin ár pýnktte kezekshi aýdıtorııa bar. Osy oraıda qajet bolǵanda bul aýdıtorııalar ashylady. Balalarda ınfektsııa bolsa, olar testini jalpy aýdıtorııadan bólek tapsyrady», - dedi D. Smaǵulov Ortalyq kommýnıkatsııalar qyzmetinde.
Bul turǵyda ol osy sharalar ókiletti organnyń kelisimi men nusqaýy boıynsha iske asyrylatynyn atap ótti. ıAǵnı, densaýlyq saqtaý salasy mamandarynyń usynysy nazarǵa alynady.
«Eger osyndaı usynystar bolsa, olar úshin UBT-ny bólek ótkizýge daıynbyz. Bizdiń mamandar arnaıy kıimder kıedi. Atap aıtqanda, UBT-ny barlyǵy tapsyratyndaı jaǵdaı jasaýǵa tyrysamyz», - dedi Ulttyq testileý ortalyǵynyń dırektory.
Budan buryn habarlanǵandaı, Dıdar Smaǵulov bıylǵy UBT-ny ótkizý tártibi jaıynda túsinik berdi.
Karantındik shekteýlerge baılanysty eldiń barlyq aımaqtaryndaǵy UBT ótkizý oryndarynda kúsheıtilgen medıtsınalyq-sanıtarlyq sharalar engiziledi. Ǵımaratqa kirgizý kezinde test tapsyrýshylardyń arasyndaǵy eki metrlik araqashyqtyqty qatań saqtaý arqyly maskaly rejım júzege asyrylady. Ár test tapsyrýshy 5 baqylaý kezeńinen ótetin bolady, onyń ishinde syrtqy kıimdi dezınfektsııalyq eritindilermen zalalsyzdandyratyn arnaıy dáliz arqyly ótý eskerilgen.
