Qor naryǵynda dollar baǵamy tómendedi

ALMATY. QazAqparat – Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege qatysty baǵamy tómendedi, dep habarlaıdy QazAqparat tilshisi.

Kúndizgi saýda-sattyq málimetine qaraǵanda, dollar baǵamy 1,13 teńgege tómendep, 1 dollar 448, 13 teńge boldy.

Aıta keteıik, Ulttyq banktiń 3 shildededi resmı baǵamy – 1 dollar úshin 449, 33 teńge boldy.

Kurs.kz málimetinshe, Almatydaǵy aqsha aıyrbastaý pýnktterinde dollardyń satý baǵamy – 449 teńge, satyp alý – 451 teńge.

Al, Astana qalasy boıynsha satý baǵamy – 446,5 teńgeden bolsa, satyp alý – 450,5.

Reseı rýbli 4,97 – 5,21 teńge aralyǵynda saýdalanyp jatyr.

QR Ulttyq bankiniń deregine sáıkes, 3 shilde kúni Reseı rýbliniń ortasha saralanǵan baǵamy – 5,17 teńge boldy.