Qor naryǵynda dollar qaıta qymbattady

ALMATY. KAZINFORM — Qazaqstan qor bırjasyndaǵy (KASE) saýda-sattyq qorytyndysy boıynsha, 1 dollardyń teńgege shaqqandaǵy baǵamy ósti.

KASE qor naryǵyndaǵy kúndizgi saýda qorytyndysy boıynsha, dollar 1,54 teńgege qymbattady.

Bir AQSh dollarynyń ortasha baǵamy — 522,42 teńge.

Kurs.kz málimetinshe, qazirgi ýaqytta Almatynyń aqsha aıyrbastaý pýnktterinde dollar 524 teńgeden satylyp jatyr, satyp alý baǵamy — 526 teńge. Eýro 543,5 — 548,5 teńge aralyǵynda qubylyp tur.

Al, Astana qalasy boıynsha dollardy satý baǵamy — 523,5 teńge, satyp alý quny — 527 teńge. Eýro 544 teńgeden satylyp, 547 teńgeden satyp alynady.

Dál qazirgi ýaqytta aqsha aıyrbastaý oryndarynda Reseı valıýtasy 5,15 - 5,24 aralyǵynda saýdalanyp jatyr.

Ulttyq banktiń 23 qańtarǵa usynǵan resmı baǵamy — 1 dollarǵa 520,91 teńge. Reseı rýbliniń ortasha saralanǵan quny — 5,29 teńge. Eýro — 544,25.

Aıta keteıik, buǵan deıin AQSh aqshasy úsh qatarynan arzandap, bir dollarynyń ortasha baǵamy – 520,91 teńge boldy.

Osyǵan deıin Qazaqstan qarjygerler qaýymdastyǵy 2025 jyly dollar 545 teńgege deıin barýy múmkin ekenin aıtty.

Sondaı-aq Ulttyq bank valıýta aıyrbastaýdyń jańa erejesin bekitetinin málimdedi.