Kópbalaly otbasylardyń járdemaqysy qanshalyqty kóbeıdi
ASTANA. KAZINFORM — 2026 jylǵy 1 qańtardan bastap, AEK mólsheriniń artýyna baılanysty kópbalaly otbasylarǵa tólenetin járdemaqylardyń mólsheri de ulǵaıdy.
2026 jylǵy 1 qańtardan bastap 1, 2, 3 bala týǵanda beriletin járdemaqy 149 416 teńgeden 164 350 teńgege deıin, 4 jáne odan da kóp bala týǵanda — 247 716 teńgeden 272 475 teńgege deıin ulǵaıdy.
Sonymen qatar mólsheri bala sanyna baılanysty kópbalaly otbasylarǵa beriletin járdemaqy 4 balasy bar otbasylar úshin 63 030 teńgeden 69 330 teńgege deıin, 10 balasy barlarǵa — 157 280 teńgeden 173 000 teńgege deıin ósti.
2026 jyly bala týýǵa baılanysty birjolǵy járdemaqy:
— birinshi, ekinshi jáne úshinshi balaǵa — 164 350 teńge (38 AEK);
— tórtinshi jáne odan da kóp balaǵa — 272 475 teńge (63 AEK).
1,5 jasqa deıingi bala kútimine arnalǵan aı saıynǵy járdemaqy:
— birinshi balaǵa — 24 912 teńge (5,76 AEK);
— ekinshi balaǵa — 29 453 teńge (6,81 AEK);
— úshinshi balaǵa — 33 951 teńge (7,85 AEK);
— tórtinshi jáne odan kóp balaǵa — 38 493 teńge (8,90 AEK).
Kópbalaly otbasylarǵa beriletin memlekettik tólemder:
— 4 bala — 69 330 teńge (16,03 AEK);
— 5 bala — 86 673 teńge (20,04 AEK):
— 6 bala — 104 016 teńge (24,05 AEK);
— 7 bala — 121 360 teńge (28,06 AEK);
— 8 jáne odan da kóp bala — ár balaǵa 17 300 teńge (4 AEK).
Budan buryn elimizde 1 qańtarda qandaı ózgerister kúshine engenin jazǵan edik.