Kópbalaly otbasylar men nagradtalǵan analar 114 mlrd teńge somasyna járdemaqy aldy
ASTANA.KAZINFORM - 2026 jyldyń basynan bastap kópbalaly otbasylarǵa jáne nagradtalǵan analarǵa beriletin memlekettik járdemaqymen orta eseppen 876,8 myń otbasy qamtyldy.
Eńbek jáne halyqty áleýmettik qorǵaý mınıstrligi málimetinshe, jalpy somasy 114 mlrd teńge mólsherinde, onyń ishinde kópbalaly otbasylarǵa beriletin járdemaqymen 629 myń otbasy (99,4 mlrd teńge), nagradtalǵan anaǵa beriletin járdemaqymen 247,8 myń adam (14,6 mlrd teńge) qamtylǵan.
2026 jylǵy aqpan aıynda joǵaryda atalǵan járdemaqy 878,4 myń otbasyǵa berildi. Jalpy somasy 57,5 mlrd teńge mólsherinde, onyń ishinde kópbalaly otbasylarǵa beriletin járdemaqymen 630,6 myń otbasyǵa 50,2 mlrd teńge, nagradtalǵan anaǵa beriletin járdemaqy boıynsha 247,8 myń adamǵa 7,3 mlrd teńge mólsherinde qarjy aýdaryldy.
Kópbalaly otbasyǵa beriletin memlekettik járdemaqyǵa 4 jáne odan da kóp birge turatyn kámeletke tolmaǵan nemese 23 jasqa deıingi kúndizgi bólimde oqıtyn stýdent balalary bar otbasylar tabysyna qaramastan úmitker bola alady.
Tólem mólsheri bala sanyna qaraı eseptelip tólenedi jáne 2026 jyly:
- 4 balasy bar otbasylarǵa – 16,03 AEK nemese 69 330 teńge;
- 5 balaǵa – 20,04 AEK nemese 86 673 teńge;
- 6 balaǵa – 24,05 AEK nemese 104 017 teńge;
- 7 balaǵa – 28,06 AEK nemese 121 360 teńge;
- 8 jáne odan da kóp balasy bar otbasylarǵa – ár balaǵa 4 AEK nemese
17 300 teńge mólsherinde tólendi.
Nagradtalǵan anaǵa beriletin járdemaqy «Altyn alqa», «Kúmis alqa» alqalarymen nagradtalǵan nemese buryn «Batyr ana» ataǵyn alǵan, І jáne ІІ dárejeli «Ana dańqy» ordenderimen nagradtalǵan analarǵa taǵaıyndalady.
Nagradtalǵan anaǵa beriletin járdemaqy aı saıyn kelesi mólsherde tólenedi:
· «Kúmis alqa» alqasymen nagradtalǵan analarǵa – 6,40 AEK nemese
27 680 teńge;
· «Altyn alqa» alqasymen nagradtalǵan nemese buryn «Batyr Ana» ataǵyn alǵan, І jáne ІІ dárejeli «Ana dańqy» ordenderimen nagradtalǵan analarǵa – 7,40 AEK nemese 32 005 teńge.
2026 jylǵy 1 qańtardan bastap balaly otbasylarǵa taǵaıyndalatyn memlekettik járdemaqylardyń mólsheri 10% artty.
Asyraýshysynan aıyrylǵan otbasylarǵa tólenetin járdemaqy mólsheri artty.