Kontınentaldy kýbokta «Torpedo» hokkeı klýby kúmis júlde ıelendi

ÓSKEMEN. KAZINFORM — Óskemenniń «Torpedo» hokkeı klýby óz tarıhynda alǵash ret Kontınentaldyq kýboktyń kúmis júldesin ıelendi.

2025-2026 jylǵy maýsymnyń fınaldyq kezdesýleri Anglııanyń Nottıngem qalasynda ótti. Týrnırdiń sheshýshi kezeńinde óskemendik komanda joǵary deńgeıdegi oıyn órnegin kórsetip, naǵyz minez tanyta bildi. 

— «Torpedo» dattyń «Hernıng Blıý Foks» klýbyn 6:2 esebimen senimdi túrde jeńse, Frantsııanyń «Dıýk D’Anje» komandasymen ótken tartysty oıynda overtaımda ǵana 2:3 esebimen ese jiberdi. Al altyn júlde úshin ótken kezdesýde qazaqstandyq klýb alań ıeleri — «Nottıngem Panterz» komandasymen sheberlik baıqasty. Tartysty oıyn 4:2 esebimen brıtandyq klýbtyń paıdasyna aıaqtaldy. Týrnır qorytyndysy boıynsha «Torpedo» júldeli ekinshi oryndy ıelendi, — dep habarlady ShQO ákimdiginen.

Bul klýb tarıhyndaǵy Kontınentaldy kýboktaǵy eń úzdik nátıje. Buǵan deıin óskemendik hokkeıshilerdiń eń joǵary jetistigi 2007-2008 jylǵy maýsymda jeńip alǵan qola júlde bolatyn.

Eske salsaq, osyǵan deıin Kontınentaldy kýbokta «Torpedo» bas júldege talasatyndyǵy jaıly jazǵanbyz.