Konstıtýtsııada neke men otbasy qundylyqtary kúsheıtilmek
ASTANA. KAZINFORM – Ata Zańda qorshaǵan ortany qorǵaý mindeti jańa bir sıpatqa ıe bolmaq. Bul týraly búgin Konstıtýtsııalyq reformalar jónindegi komıssııanyń kezekti otyrysynda Konstıtýtsııalyq sot tóraǵasynyń orynbasary Baqyt Nurmuhanov málim etti.
– Konstıtýtsııada neke men otbasy qundylyqtary, sondaı-aq qorshaǵan ortany qorǵaý mindeti jańa bir sıpatqa ıe bolmaq. Jalpyǵa birdeı tanylǵan halyqaralyq aktiler men damyǵan elderdiń konstıtýtsııalaryn eskere otyryp, adam men azamattyń quqyqtary men bostandyqtaryn shekteý maqsattary men shekteri naqty belgilendi. Mundaı sharalardy engizýde qajettilik, mólsherlestik, memleket, qoǵam jáne adam múddeleriniń aqylǵa qonymdy teńgerimin qamtamasyz etý mańyzdylyǵy jańa Konstıtýtsııalyq mátinnen anyq kórinedi, - dedi Baqyt Nurmuhanov.
Budan buryn habarlanǵandaı, búgin Konstıtýtsııalyq reformalar jónindegi komıssııanyń (Konstıtýtsııalyq komıssııa) tórtinshi otyrysy ótti.
Kazinform agenttiginiń saıtynda ádettegideı otyrystan tikeleı efır uıymdastyryldy.
Aıta keteıik, Konstıtýtsııalyq komıssııa Memlekettik rámizder týraly konstıtýtsııalyq erejelerdi jetildirdi.