Konstıtýtsııa kúni: demalys kúnderi qalaı belgilendi

ASTANA. KAZINFORM — Qazaqstandyqtar Konstıtýtsııa kúninde taǵy bir kún demalady. 

Bıyl Konstıtýtsııa kúninde qazaqstandyqtar qalaı demalady?

Bes kúndik jumys rejıminde jumys isteıtinder Konstıtýtsııa kúnine oraı úsh kún demalady. 

2025 jyly 30 tamyz senbige sáıkes keledi, sondyqtan «Merekeler týraly» zańǵa sáıkes, bul kúnniń demalysy dúısenbige, ıaǵnı 1 qyrkúıekke aýystyrylady.

Osylaısha, 2025 jyldyń tamyz aıynda bes kúndik jumys isteıtin qazaqstandyqtar úshin jalpy sany 10 demalys kúni bolady. Demalys kúnderiniń kestesi mynadaı bolady:

30, 31 tamyz jáne 1 qyrkúıek — demalys kúnderi.

Alty kúndik jumys aptasyndaǵylar da 30 tamyz, senbi kúni qosymsha demalady. Demalys kúnderi mynadaı bolady: 30 jáne 31 tamyz — demalys, 1 qyrkúıek — jumys kúni.

Sáıkesinshe, alty kún jumys isteıtin qazaqstandyqtar tamyz aıynda barlyǵy 6 kún demalady.