Konstıtýtsııalyq normalardyń áleýeti - qoǵamymyzdyń búgingi jetistikteriniń tuǵyry

ASTANA. QazAqparat - Elimizdiń Ata Zańy - Kons­tıtýtsııa tatýlyqtyń irgetasy, qazaqstandyqtardyń teń quqyq­tary men múmkindikteriniń kepili bolyp tabylady. Ol qoǵamda demokratııany damytýǵa jáne elde azamattyq beıbitshilik pen kelisimdi nyǵaıtýǵa serpin ber­di. Eń bastysy - Konstıtýtsııa ha­lyqtyń quqyǵy men bostan­dy­ǵyn qorǵaıtyn negizgi zań. Konstıtýtsııalyq normalardyń áleýeti qoǵamymyzdyń búgingi jetistikteriniń tuǵyry. Osynyń barlyǵyna Memleket basshysynyń salıqaly saıasatynyń, halyq­tyń aýyzbirshiliginiń arqasyn­da qol jetti, dep jazady «Egemen Qazaqstan» gazeti búgingi sanynda jaryq kórgen «Ata Zańǵa adalmyz» atty maqalada.

Prezıdent Nursultan Nazarbaev óz sózinde: «Konstı­týtsııa kúninde biz Otan aldyn­daǵy jaýapkershilik pen memleket qyzmetindegi azamattar úshin jaýapkershilikti erekshe túsinemiz», dep atap aıtty.

Ata Zań aıasynda ishki ister organdary azamattardyń zańdy múddesi men bostandyǵynyń, konstıtýtsııalyq quqyqtarynyń senimdi tiregine aınaldy. Polıtsııa qyzmetine qoıylatyn talaptyń biri - azamattardyń habarlamalary men aryzdaryn qarastyrý kezinde, qylmystyq isterdi tergeýde zańdylyqty buljytpaı saqtaý. Bul oraıda júrgizilgen sharalar qylmystar jónindegi habarlamalardy qabyldaý men tirkeý rásimin talapqa saı at­qarýǵa, aza­mattardyń aryzdarǵa jedel áreket etýge jáne olardy qaras­tyrý úshin ýaqytty sozbaýǵa múm­kindik jasady. Búginde quqyq buzýshylyqtar men qylmystar jaıyndaǵy aryz­dardyń basym kópshiligi bir táýlik ishinde qaras­tyrylady.

«ıÝgo-Vostok» jáne «Kóktal» shaǵyn aýdandarynda bıýdjettik quraldardy jumsamaı-aq ishki shtatty qaıta bólý esebi­nen aýdan­dyq polıtsııa bólimderi qu­rylyp, qyzmet atqarýda. Bul qadam qylmystar men quqyq buzý­shylyqtar jónindegi habar­­lamalarǵa jedel áreket etýge jaǵdaı jasady. EKSPO-2017 kórmesiniń aýmaǵynda jańa aýdanda qoǵamdyq tártipti qamtamasyz etetin polıtsııa bólimi salynýda.

Polıtsııa qyzmetiniń tıim­diligin jáne azamattardyń se­nimin arttyrý maqsatynda polı­tsııaǵa habarlasqan jandarǵa kún­delikti jaýap berý amaly engi-zildi. Aǵymdaǵy jyldyń tamyzynda telefon arqyly Jedel basqarý ortalyǵynyń «102» nómirine qońyraý shalǵan 500-den astam azamatqa saýal qoıyldy. Júrgizilgen saraptamanyń nátı­jesinde abonentterdiń 85 paıyzy elordalyq polıtsııanyń qyzmetine oń baǵa berdi. Máselen, azamatsha Natalıa Lı oqıǵa ornyna shuǵyl jetip, altyn buıymdardy urlaý qylmysyn «izin sýytpaı» ashqan polıtseılerdiń kásibıligi úshin alǵys bildirdi.

Ǵalamtor arqyly azamattarmen keri baılanys ornatý keńinen qoldanylady. Qala turǵyndary men qonaqtary qajetti saýaldaryn meniń jeke blogyma joldaı alady. Ákimniń resmı saıtynda «Halyqtyq baqylaý» jáne «Vırtýaldy qabyldaý» aıdarlary bar, onda qalanyń beıjaı qalmaıtyn turǵyndary ózderine málim bolǵan quqyq buzýshylyqtar týraly habarlap otyrady. Kó­binese olar jol qozǵalysy ere­jesin jáne tynyshtyqty buzý, kólikti turaqqa durys qoımaý, kez kelgen jerde qoqys tastaý sekildi buzýshylyqtar. Barlyq faktiler muqııat qarastyrylyp, sharalar qabyldanýda. Astana qalasy ishki ister departamenti jumystyń jańa túri men ádisterin, onyń ishin­de ınnovatsııalyq tehnologııalar­dy belsendi engizýde. Olardyń ishinde jańa joba «Aı-tı-sı», «aqyl­dy» baǵdarshamdar ornatý, sondaı-aq JQE buzýdy tir­keıtin avtomattandyrylǵan júıe bar.

Qoǵamdyq tártipti kúzetý jáne qylmysqa qarsy kúreste quqyq qorǵaý baǵytyndaǵy qoǵamdyq qu­rylymdardyń, jeke kúzet qury­lymdarynyń, shuǵyl kómek kór­setý qyzmetteriniń kómegi keńi­nen qoldanylýda. Óskeleń urpaqty otansúıgishtikke tárbıeleýge jáne salamatty ómir saltyn saqtaýǵa zor kóńil bólinedi. Departament janynda sporttyq jarystar jáne túrli konkýrs­tar únemi ótkizilip otyratyn balalar aýla klýby qurylǵan. Elorda polıtseıleri kóp balaly jáne az qamtylǵan otbasylarǵa kómek kórsetýge baǵyttalǵan túrli áleýmettik aktsııalarǵa dástúrli túrde qatysyp otyrady. Jańa oqý jyly qarsańynda «Mektepke jol» qaıyrymdylyq aktsııasy sheńberinde birneshe otbasyna materıaldyq kómek kórsetildi.

Bizdiń elimiz úshin mańyzdy is-shara - EKSPO-2017 halyqaralyq mamandandyrylǵan kórmesin ótkizýge daıyndyq shyndap kóńil qoıýdy talap etedi. Oǵan qatysý úshin Astanaǵa shamamen 2 mln adam keledi. Halyqaralyq jospardaǵy is-sharanyń mańyzdylyǵy ishki ister departamentine júktelgen mindetterdiń tıimdi oryndalýy úshin, ásirese, vıza jumystaryn, kóshi-qon baqylaýyn, qonaqtardyń qaýipsizdigin qamtamasyz etý já­ne mańyzdy nysandardy kúze­týge ári qylmystyń jáne qu­qyq buzý­shylyqtyń aldyn alýǵa jaýap­kershilikti oryndaryna túsedi. 2016 jylǵy 1 qańtardan bastap elordalyq polıtseıler táýlik boıy qoǵamdyq tártip kúzetin saqtaýǵa jáne EKSPO-2017 aýmaǵynda qo­ǵam­dyq tártipti qamtamasyz etýge jumyldyryldy.

Aǵymdaǵy jylǵy 22 tamyzdan bastap Qytaı Halyq Respýb­lıkasynyń ókilderi polıtseılerdi mobıldi ınspektsııalyq-tekserý keshenimen jumys jasaýǵa oqy­týdy bastady. Ol teorııalyq jáne praktıkalyq bólimi boıynsha eki kezeńde ótedi. Oqýdy aıaqtaǵannan keıin qyzmetkerler tıisti sertıfıkattar alatyn bolady. Elimizdiń bas qalasyndaǵy tynyshtyqty saqtaý jáne qoǵamdyq tártipti qamtamasyz etý, azamattardyń konstıtýtsııalyq quqyqtaryn qorǵaý polıtsııaǵa tapsyrylǵan. Mine, bul oraıda elorda polıtsııasy Astana úlgili quqyqtyq tártibi bar qaýipsiz qala bolýy úshin bar kúshin salady.

Amantaı Áýbákirov,

Astana qalasy ІІD bastyǵy,

polıtsııa general-maıory