Konstıtýtsııalyq qundylyqtardy qorǵaý - árqaısymyzdyń boryshymyz - Qostanaı oblysynyń ákimi
«Ata Zań - Qazaqstannyń Táýelsiz memleket retinde qalyptasýy men damýynda erekshe oryn alady. Respýblıka Konstıtýtsııasy memlekettilikti nyǵaıtýdyń bastapqy jáne eń mańyzdy sharttaryn qurdy, qazaq jerinde ortaq tarıhı taǵdyr biriktirgen alýan ult ókilderiniń basyn qosty. Táýelsizdik jyldarynda quqyqtyq júıeniń tıimdiligi arqasynda elimiz áleýmettik-ekonomıkalyq damýda zor tabystarǵa qol jetkizip, álem moıyndaǵan abyroıly memleketterdiń qataryna qosyldy. El Konstıtýtsııasy Qazaqstannyń tabystylyǵy men odan ári órkendeýiniń nyshanyna aınaldy»,-dedi oblys ákimi quttyqtaýynda.
Sondaı-aq quttyqtaýda negizgi zańnyń qaǵıdalary men normalaryn ustaný, konstıtýtsııalyq qundylyqtardy qorǵaý - árqaısymyzdyń boryshymyz ben mindetimiz ekendigi aıtylady.
«Bizdiń tańdaǵan jolymyz jańa jeńisterge, jańa belesterge bastaıtyny anyq. Búgin bizdiń aldymyzda Elbasynyń jyl saıynǵy Joldaýynda jáne «Bolashaqqa baǵdar: rýhanı jańǵyrý» maqalasynda belgilengen tapsyrmalaryn iske asyrý boıynsha aýqymdy mindetter tur. Olarǵa ekonomıkalyq ósimniń jańa modelin jasaý jáne myqty ári jaýapty adamdardyń birtutas ultyn qalyptastyrý maqsatynda qoǵamdy toptastyrý arqyly qol jetkizý múmkin. Sizderge zor densaýlyq, baqyt, beıbitshilik, qut-bereke jáne molshylyq tileımin!»,-deıdi quttaqtaýynda oblys basshysy.