Konstıtýtsııalyq keńes Atazańǵa ózgeris engizý týraly zań jobasyn durys dep tapty
Qazaqstan Respýblıkasynyń Konstıtýtsııalyq Keńesi óziniń ashyq otyrysynda Qazaqstan Respýblıkasynyń Prezıdenti Qasym-Jomart Toqaevtyń «Qazaqstan Respýblıkasynyń Konstıtýtsııasyna ózgerister engizý týraly» Qazaqstan Respýblıkasy Zańynyń jobasyn Qazaqstan Respýblıkasynyń Konstıtýtsııasyna sáıkes keletini týraly qorytyndy berý ótinishin qarady. Jıynǵa keńes tóraǵasy Q.Á. Mámı, keńes músheleri A.Q. Daýylbaev, V.A. Malınovskıı, I.D. Merkel, Á.A. Temirbekov jáne Ý. Shapak qatysty.
Baıandamashy-Konstıtýtsııalyq Keńes múshesi A.Q.Daýylbaevtyń habarlamasyn tyńdap, konstıtýtsııalyq is júrgizý materıaldaryn zerdelep, zańnamany taldap, Qazaqstan Respýblıkasynyń Konstıtýtsııalyq Keńesi
anyqtady:
Qazaqstan Respýblıkasy Konstıtýtsııalyq Keńesine 2019 jylǵy 20 naýryzda Qazaqstan Respýblıkasy Prezıdentiniń «Qazaqstan Respýblıkasynyń Konstıtýtsııasyna ózgerister engizý týraly» Zań jobasynyń Qazaqstan Respýblıkasynyń Konstıtýtsııasyna sáıkes nysanyna qorytyndy berý týraly ótinishi kelip tústi.
«Qazaqstan Respýblıkasynyń Konstıtýtsııasyna ózgerister engizý týraly» Qazaqstan Respýblıkasy Zańynyń jobasymen Konstıtýtsııanyń 2-babynyń 3 tarmaǵy jańa redaktsııada berilgen:
«3. Respýblıkanyń ákimshilik-aýmaqtyq qurylysy, onyń astanasynyń mártebesi zańmen belgilenedi. Qazaqstannyń astanasy Nur-Sultan qalasy bolyp tabylady.».
Konstıtýtsııanyń 2-babynyń 3-1 tarmaqtaǵy «Astana» degen sóz «Nur-Sultan» degen sózben aýystyrylǵan.
Negizgi Zańnyń normalaryn ótinish nysanasyna qatysty taldap, Konstıtýtsııalyq Keńes mynany negizge alady.
1. Qazaqstan Respýblıkasy Konstıtýtsııasynyń 91-babynyń 3-tarmaǵyna sáıkes «Respýblıka Konstıtýtsııasyna engiziletin ózgerister men tolyqtyrýlar, olardyń osy baptyń 2-tarmaǵynda belgilengen talaptarǵa sáıkes keletini týraly Konstıtýtsııalyq Keńestiń qorytyndysy bolǵan jaǵdaıda, respýblıkalyq referendýmǵa nemese Respýblıka Parlamentiniń qaraýyna shyǵarylady».
2. Qazaqstan Respýblıkasynyń Konstıtýtsııalyq Keńesi 2017 jylǵy 9 naýryzdaǵy № 1 normatıvtik qaýlysynda «Qazaqstan Respýblıkasynyń Konstıtýtsııasyna ózgerister men tolyqtyrýlar engizý týraly» Qazaqstan Respýblıkasynyń Zańymen (2017 jylǵy 10 naýryzda qol qoıǵan) aıryqsha qorǵalatyn konstıtýtsııalyq qundylyqtar tizbesi keńeıtilgenin atap ótti: «Konstıtýtsııada belgilengen memlekettiń táýelsizdigi, Respýblıkanyń birtutastyǵy men aýmaqtyq tutastyǵy, ony basqarý nysany, sondaı-aq táýelsiz Qazaqstannyń Negizin salýshy, Qazaqstan Respýblıkasynyń Tuńǵysh Prezıdenti - Elbasy irgesin qalaǵan Respýblıka qyzmetiniń túbegeıli prıntsıpteri jáne Qazaqstan Respýblıkasynyń Tuńǵysh Prezıdenti - Elbasynyń mártebesi ózgermeıdi» (Konstıtýtsııanyń 91-babynyń 2-tarmaǵy). Sol arqyly, óziniń konstıtýtsııalyq mártebesi men jeke qasıetteri arqasynda egemen Qazaqstannyń, onyń ishinde Negizgi Zańnyń konstıtýtsııalyq qundylyqtary jáne Respýblıka qyzmetiniń túbegeıli prıntsıpteri qalyptasýy men damýyna sheshýshi úles qosqan; Qazaqstannyń birligi, Konstıtýtsııasy, adamnyń jáne azamattyń quqyqtary men bostandyqtary qorǵalýyn qamtamasyz etken Nursultan Ábishuly Nazarbaevtyń jańa táýelsiz Qazaqstan memleketiniń Negizin salýshy retindegi tarıhı mıssııasy konstıtýtsııalyq jolmen rastalady».
Qazaqstan Respýblıkasynyń Konstıtýtsııasyna engiziletin ózgerister Qazaqstan Respýblıkasy elordasy «Astana» astanasy «Nur-Sultan» dep atalýyna oraı, Qazaqstan Respýblıkasy Tuńǵysh Prezıdentiniń Qazaqstan halqy aldyndaǵy tarıhı rólin moıyndaýǵa jáne sińirgen eren eńbegin máńgi este saqtaýǵa baılanysty memlekettiń táýelsizdigi, respýblıkanyń aýmaqtyq tutastyǵy, onyń basqarý nysandary máselelerin, sonymen qatar Táýelsiz Qazaqstannyń negizin qalaýshy, Qazaqstan Respýblıkasynyń Tuńǵysh Prezıdenti-Elbasy kepilge alǵan Respýblıka qyzmetiniń túbegeıli prıntsıpterin qozǵamaıdy jáne Qazaqstan Respýblıkasy Konstıtýtsııasynyń 91-baby 3-tarmaǵynyń talaptaryna qaıshy kelmeıdi.
Baıandalǵannyń negizinde, Qazaqstan Respýblıkasy Konstıtýtsııasynyń 72-babynyń 2-tarmaǵyn, 91-babynyń 3-tarmaǵyn, «Qazaqstan Respýblıkasynyń Konstıtýtsııalyq Keńesi týraly» 1995 jylǵy 29 jeltoqsandaǵy № 2737 Qazaqstan Respýblıkasy Konstıtýtsııalyq zańynyń 17-baby 4-tarmaǵynyń 1) tarmaqshasyn, 31-33, 37-baptaryn jáne 41-baby 1-tarmaǵynyń 2) tarmaqshasyn basshylyqqa ala otyryp, Qazaqstan Respýblıkasy Konstıtýtsııalyq Keńesi
sheshti:
1. «Qazaqstan Respýblıkasynyń Konstıtýtsııasyna ózgerister engizý týraly» Qazaqstan Respýblıkasy Zańynyń jobasy Qazaqstan Respýblıkasynyń Konstıtýtsııasyna sáıkes dep tanylsyn.
2. Qazaqstan Respýblıkasy Konstıtýtsııasynyń 74-babynyń 3-tarmaǵyna sáıkes Qazaqstan Respýblıkasy Konstıtýtsııalyq Keńesiniń qorytyndysy qabyldanǵan kúninen bastap kúshine enedi, respýblıkanyń búkil aýmaǵynda jalpyǵa birdeı mindetti, túpkilikti bolyp tabylady jáne shaǵymdanýǵa jatpaıdy.
3. Osy qorytyndy respýblıkalyq resmı basylymdarda qazaq jáne orys tilderinde jarııalansyn.
Qazaqstan Respýblıkasy Konstıtýtsııalyq Keńesiniń Tóraǵasy Q. Á. Mámı