Konstıtýtsııa qurdasy Maqsat Bekmoldınov polıtsııa qyzmetkeri boldy

ASTANA.QazAqparat - Qostanaı oblystyq ІІD-niń polıtsııa bólimine Maqsat Bekmoldınov esimdi turǵyn jumysqa ornalasty. Ol 30 tamyz kúni 22 jasqa toldy. Maqsat Qazaqstan Respýblıkasy Konstıtýtsııasynyń qurdasy, dep habarlady Qostanaı oblystyq ІІD baspasóz qyzmetiniń ókili Balsulý Álekenova.

Jas jigit sportpen shuǵyldanady, ol jyldam áreket etý arnaıy jasaǵynyń quramyn tolyqtyratyn bolady.

Maqsat 1995 jyly Qostanaı oblysy Áýlıekól aýylynda týǵan. Mektepten keıin Qostanaı ındýstrıaldy kolledjine oqýǵa túsip, ony aıaqtaǵannan keıin áskerge shaqyrylǵan. Uzyn boıly ári sporttyq daıyndyǵy jaqsy Maqsat Memlekettik kúzet qyzmetine jiberilgen.

Áskerlik boryshyn ótep kelgennen keıin ІІD-ge ótinish berip, testileý men dene daıarlyǵy boıynsha emtıhandy sátti tapsyrǵan. Jaqynda Maqsat QR ІІM-niń Qostanaı qalasyndaǵy oqý ortalyǵyna úsh aılyq oqýǵa jiberiletin bolady.

«Qazaqstan Resbýlıkasynyń Konstıtýtsııasy kúni - bul árbir qazaqstandyqtyń júreginen úlken oryn alatyn mereke. Ásirese men úshin óte mańyzdy kún, sol kúni týylǵandyqtan ǵana emes. Konstıtýtsııa táýelsizdigimizdi nyǵaıtty, memleket pen jalpy halyqqa baıandylyq syılady», - deıdi Maqsat Bekmoldınov.

Konstıtýtsııa qurdasy qazaqstandyqtarǵa ashyq aspan, otbasylyq bereke jáne zor densaýlyq tiledi.