Konstıtýtsııa kúnine baılanysty 404 qyzmetker marapattaldy - ІІM

ASTANA. QazAqparat - Qazaqstan Respýblıkasy Іshki ister mınıstrliginde Konstıtýtsııa kúnine baılanysty mınıstrlik basshylyǵynyń, ishki ister organdary qyzmetkerleri men ardagerlerdiń qatysýymen saltanatty jıyn boldy, dep habarlady vedomstvo baspasóz qyzmetinen.

Mereke kúninde ІІM, Tótenshe jaǵdaılar boıynsha komıtettiń Mádenı ortalyǵy men QR Ulttyq ulannyń Án-bı ansambli birlese otyryp, merekelik kontsert uıymdastyrdy.

QR Konstıtýtsııa kúni merekesin atap ótý qarsańynda mınıstrdiń buıryǵymen ishki ister organdarynyń aýmaqtyq qurylymdary men oqý oryndarynyń 404 qyzmetkeri marapattaldy.