Konstıtýtsııa kúnine arnalǵan saltanatty jınalys ótti
Jınalysqa memlekettik qyzmettiń belgili ardagerleri shaqyryldy. Olar táýelsiz Qazaqstannyń qalyptasýynyń alǵashqy jyldaryn eske alyp, bizdiń qoǵam men memlekettiń ómirindegi Konstıtýtsııanyń orny men róli týraly óz pikirlerimen bólisti.
Máselen, QR Prezıdentiniń janyndaǵy Memlekettik basqarý akademııasynyń Memlekettik jáne jergilikti basqarý ınstıtýtynyń dırektory Zınaıda Fedotova Qazaqstan Respýblıkasynda konstıtýtsıonalızmnyń qalyptasýy týraly áńgimelep berdi.
QR Prezıdentiniń janyndaǵy Memlekettik basqarý akademııasynyń Ádil sot ınstıtýty Memlekettik qurylys jáne quqyq kafedrasynyń meńgerýshisi Nıkolaı Akýev Qazaqstannyń konstıtýtsııalyq tájirıbesin shet elderdiń qoldanýy jaıly syr shertse, QR Prezıdentiniń janyndaǵy Memlekettik basqarý akademııasy Dıplomatııa ınstıtýtynyń dırektory Tóleýtaı Súleımenov Qazaqstan men dúnıejúzilik qaýymdastyq arasyndaǵy halyqaralyq qatynastardyń qalyptasý men damý kezeńderi týraly óz oılarymen bólisti.
Sondaı-aq, osy kúni QR Memlekettik qyzmet isteri agenttiginiń tóraǵasy Á.Báımenovtyń buıryǵymen Agenttiktiń Almaty qalasy jáne Qostanaı oblysy boıynsha basqarmalarynyń bastyqtary - Tártiptik keńes tóraǵalary Maǵjan Qasymov pen Ábdimash Mameshovqa memlekettik qyzmettegi kóp jylǵy eńbegi úshin alǵys jarııalandy.