Konstıtýtsııa kúni qarsańynda bir top aqmolalyq alǵys hatpen marapattaldy
Sharaǵa aımaq basshysy Málik Myrzalın qatysyp, jınalǵan kópshilikti merekelerimen quttyqtady.
«Egemendi elimizdiń barlyq jetken jetistikteri Konstıtýtsııamyz ben sony negizge ala otyryp daıyndalǵan zańdar arqyly keldi. 22 jyl buryn qabyldanǵan Ata Zańymyz jańa qoǵam, jańa ekonomıka men táýelsiz memleket ornatýǵa yqpalyn tıgizdi. Konstıtýtsııa elimizdegi demokratııalyq úrdisterdi ornyqtyryp, bıliktiń úsh tarmaǵyn bekitti. Sóıtip, ata-babamyz ǵasyrlar boıy armandaǵan táýelsiz memleketimizdi quryp, álem tanyǵan elge aınaldyq. Táýelsizdik alǵan alǵashqy jyldarmen salystyrǵanda ishki jalpy ónim kólemi 25 esege ósip, jan basyna shaqqandaǵy tabys 12 myń AQSh dollaryna jetipti. Elimizdegi turaqtylyq pen tatýlyq ekonomıkamyzdy serpindi damytýǵa ǵana emes, shet elderden ınvestıtsııa tartýǵa da ıgi yqpalyn tıgizip otyr. Táýelsizdik jyldarynda Qazaqstanǵa eki júz mıllıard dollardan astam ınvestıtsııa salynyp, ol el ekonomıkasyn damytýǵa ıgi yqpalyn tıgizdi» - dep atap ótti Málik Myrzalın óz sózinde.
Shara barysynda óńirdiń áleýmettik-ekonomkalyq damýyna eleýli úles qosqan birtop aqmolalyq oblys ákiminiń Alǵys hattarymen marapattaldy.
Olardyń arasynda Býrabaı aýdany ádilet basqarmasynyń basshysy Jarqynbek Muhamedjanov, Kókshetaý qalasyndaǵy daryndy balalarǵa arnalǵan mektep-ınternattyń muǵalimi Jaınagúl Ádeı, «Kókshe» AQ dánekerleýshisi Artem Shýmov, Kókshetaý qalalyq jergilikti polıtsııa qyzmetiniń bastyǵy Serik Zeınýllın jáne basqalary bar. Saltanatty sharanyń sońy baıkerler men veloshabandozdardyń, avtomobılshilerdiń qala kóshelerimen elimizdiń kók baıraǵyn alyp júrgen sherýimen jalǵasty.