Konstıtýtsııa kúni qarsańynda Almaty oblysynda jańa mektep ashyldy

TALDYQORǴAN. QazAqparat - Almaty oblysynyń Kóksý aýdanynda 120 oryndyq jańa mektep ashyldy, - dep habarlaıdy QazAqparat tilshisi.

Konstıtýtsııa kúni qarsańynda Qyzyltoǵan aýylynda jańa mektep paıdalanýǵa berildi. Ǵımarat 2 qabatty.

Qyzyltoǵan orta mektebiniń saltanatty ashylý rásimine aýdan ákimi Almas Ádil qatysty.

Bul jobanyń júzege asyrylýy úshin oblystyq bıýdjetten 717 mln teńge qarajat bólindi.

Endi oqýshylar ashyq ta yńǵaıly synyp bólmelerinde óz bilimderin jetildire alady.

Bıylǵy pandemııa jaǵdaıyna baılanysty 1-4 kezekshi synyptardaǵy 40 oqýshy barlyq sanıtarlyq talaptardy saqtaı otyryp, mektep qabyrǵasynda bilim alsa, 62 oqýshy qashyqtan oqıdy.