Konstıtýtsııa kúni elordada merekelik is-sharalar uıymdastyrylady

ASTANA. 13 tamyz. QazAqparat - Konstıtýtsııa kúnine oraı Astanada birqatar mádenı jáne merekelik is-sharalar ótedi, dep habarlady qalalyq Mádenıet basqarmasynan.

Іs-sharalar josparyna sáıkes, 16 tamyzdan bastap Qazirgi zamanǵy óner murajaıynda «Meniń elim, meniń elordam» atty kórme, al №5570 áskerı bóliminde Qazirgi zamanǵy óner murajaıynyń «Batyrlar - Otan qorǵaýshylar» dep atalatyn kóshpeli kórme uıymdastyrylady.

Elordanyń resmı saıtynyń jazýynsha, aýqymdy mereke «Atameken» etno-memorıaldyq kesheninde QR Konstıtýtsııa kúnine oraılastyrylǵan «Azat eldiń ar-namysy - Ata zań» taqyrybyndaǵy dóńgelek ústelmen jalǵasady.

«ALJIR» murajaıynda elorda turǵyndary men qonaqtarynyń nazaryna 29 tamyz - 5 qyrkúıek aralyǵynda «Tarıh - tanym aınasy» beınekórinisi usynylady.

29 tamyzda Beıbitshilik jáne kelisim saraıynda konferentsııa men kontsert, «Qazaqstan» ortalyq kontsert zalynda memlekettik merekege oraı merekelik kontsert uıymdastyrylady.

30 tamyzda qala turǵyndary men qonaqtary úshin Astananyń ortalyq alańynda merekelik kontsert ótedi.