Konstıtýtsııa kúni: Astana Balet ashyq aspan astynda óner kórsetedi

NUR-SULTAN. QazAqparat – «Astana Balet» qazaqstandyqtardy Konstıtýtsııa kúnimen tikeleı efırde quttyqtaıdy. Elordalyq teatr ártisteri ashyq aspan astynda merekelik baǵdarlamamen óner kórsetedi. Kórermenderge teatrdyń úzdik týyndysy – «Uly Dala murasy» ulttyq qoıylymy usynylady, dep habarlaıdy QazAqparat.

Tikeleı efır 30 tamyz kúni saǵat 16:00-de teatrdyń YouTube jáne Instagram paraqshalarynda ótedi. Merekelik kontsert baǵdarlamasynda – qazaq halqynyń salt-dástúri men tarıhyn baıandaıtyn horeografııalyq mınıatıýralar jáne ulttyq balettiń jarqyn úzindileri kórsetiledi.

Nómirlerdiń basym bóligin «Ásem qońyr», «Arýlar sherýi», «Aq qyz», «Nurshashýdy» Qazaqstannyń eńbek sińirgen qaıratkeri, «Astana Balet» teatrynyń horeografy Aıgúl Tátı qoıǵan. Ol etnografııalyq elementter men zamanaýı baletmeısterlik sheshimderdi sheber úılestirip, ulttyq qazaq bıin jasaıdy.

«Bıyl biz Qazaqstan Respýblıkasy Konstıtýtsııasynyń 25 jyldyǵyn atap ótemiz. Bul elimizdiń barlyq turǵyndary úshin mańyzdy kún jáne onyń qurmetine biz barlyq halqymyzǵa, barlyq qazaqstandyqtarǵa tán sulýlyq pen náziktikti, kúsh pen batyldyqty, erlik pen patrıotızmdi qamtıtyn baǵdarlama daıyndadyq. Osynaý mereke kúni barlyq otandastarǵa zor densaýlyq, baqyt jáne amandyq tileımiz!», - deıdi horeograf Aıgúl Tátı.

«Astana Balet» teatry osy kontserttik baǵdarlamasymen Italııa, AQSh, Ulybrıtanııa, Frantsııa jáne basqa da álemniń úzdik teatrlarynda birneshe ret óner kórsetti. Estetıka, kórkemdik, kostıýmderdiń baılyǵy, horeografııalyq shyǵarmalardyń semantıkalyq tereńdigi álem kórermenderin tań qaldyrady.