Konstıtýtsııa Qazaqstandy meken etken ulttar men ulystardy biriktirdi - Málik Myrzalın

KÓKShETAÝ. QazAqparat-Aqmola oblysynyń əkimi Məlik Myrzalın jergilikti BAQ arqyly jerlesterin elimizdiń eń ulyq merekeleriniń biri - Qazaqstan Respýblıkasynyń Konstıtýtsııasy kúnimen quttyqtady, dep habarlaıdy QazAqparat tilshisi.

«...Búgingi Ata Zańymyz 1995 jyly barsha qazaqstandyqtardyń daýys berýi arqyly ótkizilgen referendým negizinde qabyldanyp, jas memleketimizdiń demokratııalyq, áleýmettik, quqyqtyq jáne ekonomıkalyq prıntsıpterin ornyqtyrýǵa jáne táýelsizdigimizdi bekitýge qyzmet etip keledi. Elimizdiń negizgi zańy ishki jáne syrtqy saıasattaǵy basym baǵyttardy aıqyndap, ulttyq qundylyqtarymyz Otanǵa degen súıispenshilik, azamattyq paryz, toleranttylyq pen tatýlyq dep belgilep berdi», - dedi aımaq basshysy quttyqtaýynda.

Qazirgi kúngi elimizdiń qol jetken aıtýly jetistikteriniń bári Elbasymyz, Ult Kóshbasshysy Nursultan Nazarbaevtyń bastamasymen, barsha halyqtyń qoldap, tabandylyqpen júzege asyrýymen bolǵan Konstıtýtsııadan bastaý alǵandyǵy belgili. Konstıtýtsııa Qazaqstandy meken etip, óz taǵdyrlaryn osy elmen baılanystyrǵan barlyq ulttar men ulystardy biriktirdi jáne ǵasyrlar boıǵy ata-babalarymyzdyń armany bolǵan bostandyq pen óz taǵdyryn ózi sheshý quqyǵyn, el táýelsizdigin, bıliktiń halyqqa qyzmet etýin naqty júzege asyrdy.

Sóıtip, elimiz álemniń básekege qabiletti ozyq elý memleketiniń qataryna endi jáne «Qazaqstan-2050» Strategııasy alǵa qoıǵan damyǵan otyz eldiń sanatyna qosylý mindetin oryndaý jolynda alǵa jyljyp keledi.

Elimizdiń ulyq merekesi barshańyzǵa ıgilik pen tabys ákelip, Otanymyz - Qazaqstan Respýblıkasyn gúldendirý jolyndaǵy eńbekterińiz jemisti bola bersin! Sizderge myqty densaýlyq, mol baqyt, eńbekte tabys jáne beıbitshilik pen ıgilik tileımin!», - delingen quttyqtaý mətininde.