Konstıtýtsııa damýdyń baǵyt-baǵdaryn aıqyndap berdi - Nurtóre Júsip

NUR-SULTAN. QazAqparat - Ata zańymyz – táýelsiz Qazaq memleketiniń 30 jylǵa jýyq tarıhyndaǵy damýdyń baǵyt-baǵdaryn aıqyndap bergen basty qujat. QR Parlamenti Senatynyń depýtaty Nurtóre Júsip QR Konstıtýtsııasynyń 25 jyldyq merekesine oraı osyndaı pikir bildirdi.

Nurtóre Júsip Konstıtýtsııa arqyly elimiz naryqtyq damý jolyna bet buryp, órkendeýdiń naqty qadamdaryn belgilep alǵanyn tilge tıek etti, dep habarlaıdy QazAqparat.

«Qazirgi tańda Prezıdentimiz kóptegen irgeli bastamalardy qolǵa alyp, naqty usynystar jasap jatyr. Solardyń barlyǵy zańdyq turǵyda qamtamasyz etiledi. Parlament depýtattary osy baǵytta jumys isteıtin bolady» - dedi senator.

Nurtóre Júsip Ata zańymyzdyń mereıli jylymen barsha qazaqstandyqtardy quttyqtap, elimizge amandyq, jurtymyzǵa tynyshtyq tiledi.