Konstıtýtsııa - barlyq ıgiliktiń bastaýy - A.Batalov
Almaty oblysynyń ákimi Amandyq Batalovtyń Konstıtýtsııa kúnimen quttyqtaýynda osylaı delingen.
Oblys ákimi Amandyq Batalovtyń Konstıtýtsııa kúnimen quttyqtaýy
Qurmetti Almaty oblysynyń turǵyndary!
Sizderdi Konstıtýtsııa kúnimen quttyqtaımyn. Elimizdiń Ata zańy qabyldanǵan kún - barshamyz úshin mańyzdy mereke. Óıtkeni Konstıtýtsııa barlyq zańdardyń negizi, basty qaǵıdasy bola otyryp, táýelsiz memleketimizdiń qalyptasýy men damýyna quqyqtyq turǵyda jol ashty. Azamattardyń ar ojdan bostandyǵyna kepildik berip, qoǵam men memlekettik organdar jumysynyń tártibi men júıesin túzip berdi. Konstıtýtsııanyń ár baby, ár tarmaǵy elimizdiń nyǵaıýyna, qazaqstandyqtardyń áleýmettik-ekonomıkalyq, rýhanı-mádenı jaǵynan jetilýine barlyq múmkindikterdi qamtamasyz etýdiń alǵyshartyn jasap otyr. Prezıdenttiń talabyna sáıkes júzege asyrylyp jatqan memlekettik baǵdarlamalar, onyń ishinde «Údemeli ındýstrıaldy-ınnovatsııalyq damý», «Bıznestiń jol kartasy - 2020», «Qoljetimdi baspana - 2020», «Jumyspen qamtý jol kartasy - 2020» t.b. baǵdarlamalar negizinde Jetisý óńirinde jańa kásiporyndar iske qosylyp, myńdaǵan jumys oryndary ashylýda, kásipkerlikke den qoıǵandarǵa memleket tarapynan qoldaý kórsetilip, turǵyn úıge muqtaj jandar baspanamen qamtylýda. Balalarǵa tegin de sapaly bilim alyp, shyǵarmashalyq órisin damytýǵa múmkindik jasalǵan. Azamattardyń tıisti áleýmettik jáne medıtsınalyq kómek alý jaǵdaılary da qarastyrylǵan. Jetisý jurtshylyǵy óz quqyqtarymen qatar mindetterin de bereke-birlikpen tyńǵylyqty oryndap, zańǵa baǵynýǵa, normalaryn saqtaýǵa, sol arqyly eldiń ál-aýqatyn arttyrýǵa, Elbasymyz Nursultan Ábishuly Nazarbaev júktegen úlken maqsat - damyǵan 30 eldiń qataryna kirý isine ár azamat úles qosýǵa tıis ekenin esten shyǵarmaıdy. Jyl ótken saıyn Almaty oblysynyń áleýmettik-ekonomıkalyq damý kórsetkishteriniń eselene túsýi de - sonyń aıqyn aıǵaǵy. Qurmetti jetisýlyqtar!
"Sizderdi mereıli merekemen shyn júrekten quttyqtaımyn! Zor densaýlyq, eseli eńbek, tolaıym tabys tileımin. Otbasylaryńyz aman bolyp, baq-bereke ornasyn!", - delingen quttyqtaýda.