Konstantın Avershın Májilis depýtaty retinde ant berdi

NUR-SULTAN. QazAqparat – Búgin QR Parlamenti Májilisiniń jalpy otyrysynda depýtaty Konstantın Avershın ant berdi, dep habarlaıdy QazAqparat tilshisi.

«Qazaqstan halqyna adal qyzmet etýge, Qazaqstan Respýblıkasynyń tutastyǵy men Táýelsizdigin nyǵaıtýǵa, onyń Konstıtýtsııasy men zańdaryna qatań baǵynýǵa, depýtattyń ózime júktelgen mártebeli mindetterin adal atqarýǵa ant etemin», - dedi Konstantın Avershın.

Sonymen qatar jalpy otyrysta palata depýtattary K.Avershındi Májilistiń Halyqaralyq ister, qorǵanys jáne qaýipsizdik komıtetiniń quramyn saılady.

Buǵan deıin «AMANAT» partııasy Saıası keńesi Bıýrosynyń qaýlysymen Parlament Májilisi depýtatynyń bos mandaty partııalyq tizim boıynsha Konstantın Avershınge berilgenin habarlaǵan edik.