Konor Makgregor Irlandııa prezıdenti bolǵysy keledi
ASTANA. KAZINFORM — Irlandııalyq aralas jekpe-jek sheberi, UFC birneshe dúrkin chempıony Konor Makgregor 2025 jyly ótetin prezıdent saılaýyna qatysýǵa nıetti ekenin jetkizdi.
Ol bul jaıynda X (Twitter) paraqshasynda jazdy.
«Prezıdent retinde parlamenttiń tómengi palatasyn shaqyrýǵa da, taratýǵa da bıligim bolady. Buǵan deıin aıtqanymdaı, Irlandııa halqynyń eńbek adamyn qanap jatqandarǵa, otbasy qundylyqtaryn aıaqasty etkenderge, shaǵyn bıznestiń túbine jetkenderge jáne sol sııaqtylarǵa qoıar suraǵyna jaýap alyp, ketken esesin qaıtarar edim... Bolmasa mende tómengi palatany tolyq taratyp jiberýden basqa amal qalmaıdy… Prezıdent retinde bul meniń qolymda bolar edi. Men ony jaqsy bilemin. Irlandııaǵa halyqtyń múddesine jumys isteıtin, qolynan is keletin prezıdent kerek. Ol men. Jalǵyz qısyndy tańdaý — menmin. 2025 jylǵa az qaldy…» dep jazdy ol áleýmettik jelide.
As President I hold the power to summon the Dáil as well as dissolve it. So as i said before, I would have all the answers the people of Ireland seek from these thieves of the working man, these disrupters of the family unit, these destructors of small businesses, and on and on…
— Conor McGregor (@TheNotoriousMMA) September 5, 2024
Irlandııada prezıdent 7 jylǵa saılanady. Sońǵy eki merzim qatarynan bul qyzmetti Maıkl Hıggıns atqaryp kele jatyr. Ol 2011 jáne 2018 jylǵy saılaýda jeńiske jetken.
Irlandııa konstıtýtsııasy boıynsha bir adam prezıdenttikke eki merzimnen artyq saılana almaıdy. Kelesi saılaý 2025 jyly ótedi.
Konor Makgregor — UFC tarıhyndaǵy bir mezgilde eki salmaqtan belbeýli bolǵan alǵashqy sportshy. Sońǵy jyldary UFC alańynda jekpe-jekke shyǵyp júrgen joq.
Sońǵy aıqasy 2021 jyly Dastın Porege qarsy ótken. Sol kezdesýde aıaǵyn syndyryp, jeńilip qalǵan ol rıngke áli oralmady.
