Konferentsııa lıgasy: «Fıorentına» syrt alańda jeńiske jetti

ASTANA. KAZINFORM - UEFA Konferentsııa lıgasy shırek fınalynyń alǵashqy týr oıyndary ótkizildi.

Bıyl atalǵan týrnırde synǵa túsip jatqan ıtalııalyq «Fıorentına» bas júldege qol sozýdy qalaıdy. Jalpy kezeńde úzdik úshtikke turaqtaǵan komanda odan keıin Grekııanyń «Panatınaıkos» (2:3, 3:1) esebimen súrindirdi. Nátıjesinde olar birden shırek fınalǵa joldama alǵan edi.

Búgingi kezdesý barysynda ıtalııalyq fýtbolshylar syrt alańda Slovenııanyń «Tsele» klýbynyń 2:1 esebimen osal tusyn tapty. Oıynnyń 27-mınýtynda olardyń qatarynan Lýka Ranerı esep ashsa, Rolando Mandragora 62-mınýtta penaltıden basymdyqty arttyrdy.

Al 68-mınýtta slovenııalyq klýbtan Logan Delore-Shobe penaltıden múlt ketken joq. Sondaı-aq jarystyń atalǵan satysynda anglııalyq «Chelsı» syrt alańda Polshanyń «Legııa» komandasyn 3:0 esebimen jeńdi.

Qarymta oıyn 17 sáýirge belgilengen. Al jartylaı fınal 1 jáne 8 mamyr kúnderi ótkiziledi. Fınal 28 mamyrda Polshanyń Vrotslav qalasyndaǵy stadıonda bolady.

Jarystyń atalǵan satysynda shvetsııalyq «ıÝrgorden» Aýstrııanyń «Rapıd Vena» klýbyna 0:1 esebimen jol berse, ıspanııalyq «Betıs» polshalyq «ıAgellonııany» 2:0 esebimen tize búktirdi.