Konferentsııa lıgasy: «Astana» men «Tobyl» alǵashqy oıyndaryn ótkizedi

ASTANA. KAZINFORM – Búgin fýtboldan UEFA Konferentsııa lıgasynyń ekinshi irikteý kezeńinde qazaqstandyq «Astana» men «Tobyl» alǵashqy oıyndaryn ótkizedi. 

«Astana» Qazaqstan ýaqytymen 21:50-de syrt alańda Moldovanyń «Mılsamı» komandasymen sheberlik baıqasady.

«Mılsamı» 2005 jyly qurylǵan. 2014 jyly el chempıony atandy. Moldovanyń eki dúrkin Kýbok ıegeri boldy. Komandanyń bas bapker Igor Pıkaşýk birneshe jyl buryn qazaqstandyq «Aqjaıyqty» Qazaqstan kýbogynyń fınalyna deıin alyp shyqqanyn aıta keteıik.

Atalǵan klýb 2012 jyly Eýropa lıgasy ekinshi irikteý kezeńinde qazaqstandyq «Aqtóbege» (4:2, 0:3) jol bergen edi.

Al, qostanaılyq «Tobyl» Qazaqstan ýaqytymen 23:00-de syrt alańda Shveıtsarııanyń «Sankt-Gallen» klýbymen jasyl alańǵa shyǵady. 

«Sankt-Gallen» 1879 jyly qurylǵan. Qazirge deıin óz elinde 1903/04, 1999/2000 jyldardaǵy maýsymda eki márte chempıondyq ataqty jeńip alǵan. 

Aıta ketsek, budan buryn qostanaılyq klýb Eýropa lıgasy birinshi irikteý kezeńinde qostanaılyq «Tobyl» eki oıynnyń nátıjesimen Slovakııanyń «Rýjemberok» (1:0, 2:5) klýbyna ese jiberdi. 

Oıyndar «Sport Plus Qazaqstan» telearnasynan tikeleı efırde kórsetiledi.